Paulina Ndalikokule
Omukuluntu gwopolisi mOmusati Ismael Basson okwa ti omufekelwa omutiyali moshipotha shekwato lyonkonga lyokanona koomvula omulongo nane okwa holoka mompangu yaRaucana mEtitano.
Basson okwa ti oya kwata po omufekelwa nguka moshitopolwa shaShikoto sho a fadhukile po konima anuwa yokuninga oshiningwanima shoka, omukwawo okwa li a kwatele po omwedhi gwa zi ko, a adhikile moAngola nokwa holoka nale mompangu mOutapi.
Ayehe inaya pewa ombooloha, noshipotha shawo osha undulilwa komeho manga omakonakono gopolisi taga tsikile.
Otaku hololwa kutya aafekelwa mboka oohekulu yokanona hoka, anuwa ya li kohi yodhungo sho ya yi mondunda yomutekulu omukadhona manga a kotha megumbo lyowo momukunda Etunda moRuacana noku mu ningila omiyonena dhoka.
‘Omufekelwa gumwe okwa kwata nakuningilwa omuyonena komaako, te mu eleke ombele pomuligu, manga mukwawo ta hula mo ombulukweya nokapendi a kwata omunona ngoka komulungu taya yi naye miihulo,’ Basson a ti.
Ta ti aafekelwa oya ningile wo omunona nmoka omatilitho goku mu dhipaga ngele okwa lopota oshiningwanima shoka.