Paulina Ndalikokule

Oku na owala omasiku 11 opo omasiku gomashango gomahogololo ga tulwa po pambelewa ga hule. Pamiyalu dha gandjwa ko-ECN, Namibia oku na aantu ye li pethimbo lyokuhogolola ye li omiliona 1,7, ashike sigo oompaka aantu owala ya kola metata lyaambaka oyo ya inyolitha ya ka hogolole muNovemba. Aatoolinkundana yaKundana oya popi naaleli yopolitika yoongundu dhimwe moshilongo opo ya gandje omaiyuvo gawo.  

Martin Johannes,

Oshilyo shoCentral Committee:  PDM 

“Omasiku gokwiinyolitha uukalata womahogololo naga gwedhelwe. Omwaalu gwaantu taya ishangitha omushona natango oshike omasiku ga ngambekwa sigo omasiku 1 Aguste, oshike itaaga thiki momasiku 31 gaAguste? Oongundu dhopapolitika nadhi longithe omukalo dha li dha longitha miikonga yokukonga aalanduli, mokukumagidha oshigwana shi ki inyolithe sho shi wape okuhogolola.”

Paavo Amwele,

Mayola waNdangwa: Swapo

Edhiladhilo lyapresidente lyokulelepeka omayishangitho guukalata womahololo nande oomwedhi ombali olyi li mondjila oshoka aantu oyendji inaya ishangitha natango. Osha ningi oshidhigu kaakwashigwana yi ishangithe oshoka aashangithi oyendji oya kala nokutembuka pomahala shoka sha shololitha aakwashigwana yamwe. Okwa li nda gandja ehala kaantu ya kale taya ishangithile pomatala nda kundathana naamboka taya shangitha ashike sigo onena inaye ya po. Omasiku gokwiinyolitha naga gwedhele nando onomwedhi gumwe nenge mbali.

Titus Shafokutya

Omuleli gwongudu mOshakati: SWANU 

“ECN okwa pumbwa okutalulula ethimbo lyomaishangitho guukalata wokuhogolola, nando olya gwedhelwa sigo okehulilo lyaAguste. Aantu oye na ehalo lyokuwiishangitha ya hogolole ashike omaimbo ogendji, yamwe oyi ipyakidhila niilonga ashike itashi ti naya patelwe pondje.” 

Eino Heelu

Omupopiliko gwongudu konooli: IPC

“Ngeenge omwaalu wovanhu ve lishangifa inau wana ovaleli veengudu dopapolitika nava kale omutumba no-ECN opo va kundafane omafiku a wedelwe ovanhu veke lishangife. Ashike nashi ningwe pauyelele hangaashi sha nigwa omafiku aa koSwapo ye ke likunda no-ECN, omolwashike presidente ina ifana oohamushangandjayi veengudu adishe eshi a ifana oSwapo oyo aike. Katu shi kutya okwa li ve ke likunda shike no-ECN.”