Amupanda, Heathcote bacincana mafifi amulao hala mubamba

Amupanda, Heathcote bacincana mafifi amulao hala mubamba

Iuze Mukube

Mueteleli wakopano ya Affirmative Repositioning Job Amupanda ubulela kuli maikuto ahae akubata kuli mubamba omufubelu ulundulwe, atomami falitukelo za mutomopuso wanaha zehatikelwa ki lukwakwa kwa kutibela kuzamaya kwa limunanu. Nabulezi zeo Labune hane abuziwa lipuzo mwa pokisi ki muyemeli wa mubuso Raymond Heathcote.

Heathcote kwalineku le liñwi nahatelezi kuli, muuna walipolitiki ubata kubabaza feela litaba zahae za lipolitiki kuli afumane babaka mubotela. Amupanda nalatuzi maikuto ao mi naize, “nitile kwa khuta kuto lwanela liswanelo za sicaba. Kambe kusicwalo kambe neni shongile batu kuli luyo lutulula lukwakwa. Kono neni sika eza cwalo kakuli lupila mwanaha yelukuluhile ye zamaiswa kimutomopuso.”

“Likhuta li ezelizwe kutatulula likomano, ki kalibaka leo hani tile kwanu kapa mina munga kuli ki lipolitiki, ni tile kuto lwanela liswanelo za sicaba,” nabulezi. Nazwezi pili kubulela kuli taba ya Mubamba Omufubelu hakitaba feela ya kutibela kuzamaya kwa limunanu ni nama kono iama sicaba mutulo wanaha kukwalelwa kwanaha kaufela. 

“Nitalimela lika famayemo aliswanelo za batu mwa mutomopuso. Ki taba yelukile ni yeswanela kuli mubuso utokomele feela basikai ni kukungulela buñata kwa tuko? Nekubuzie mutangana walipolitiki. Naize kibumai kuli muzeko ocwalo utalimwa kaliito la lipolitiki batu habanze ba kungulelwa kwa tuko kikuzwelapili kwa mubamba omufubelu. 

Kasamulaho akubuza Amupanda kuli kiñi hana shimbile nama inge aziba handende kuli ukayo iamuhiwa, Heathcote amupatalaza kuli kisifanu kwa naha kamaikuto ahae kuli mubamba omufubelu ulundulwe, mwa maikuto ahae naize haiba mubamba omufubelu inge ulundulwa kuka fofaza sifumu sa naha, sihulu mwakulekisa nama kwanda ‘naha haiba lukwakwa inge lu lundulwa.

Amupanda alaba kuli mubuso ni Heathcote kona kozi kwa mutomopuso ni tukuluho ya naha. “Kimina be luswanela kusaba kakuba batu babata kuzwelapili ni mubamba omufubelu,” nekubulezi Amupanda. Naekelize kuli ki bumai kuli mubuso utokomela taba ya tulo mwa taba ye kwanda liswanelo za sicaba, mwanaha yelukuluhile.