Ondangwa – Undi wanyangela wababanca babasina misebezi neba undumukezi kwa Siteshini sa Njanji sa TransNamib sa Nehale Lyampingana kuyo lwanela misebezi yemashumi amane, yaku lukisa sinca njanji yezwa Ondangwa kuya Oshikango, katumelelano yalikweli zesilezi. Bane babata misebezi nebakolobisizwe kimalotoli hane bayumbela mampampili abona falukwakwa. Miandanda nebaile teñi kasamulao aku utwa muhuwo kuzwelela kumuyemeli wa Silalanda sa Ondangwa Elia Irimari, hane aize baise mampampili abona.
Naize zene ezahezi kubonisa kuli palo yababasa sebezi ipahami mwa naha, nabulezi kuli sa utwile kuli babañwi nese batatubilwe kale. Kasilimo sa 2017 kutokwa misebezi mwa naha nekuyemi fa 45.5 pesenti. Muyemeli wa PDM kwa katengo katolopo ka Ondangwa, Johnny Whiteman Martin, nasika tabiswa kitaba yeo, mi naize neli kutapaula babanca. “Taba ye haibonisi feela kuli ba TransNamib habasebezi hande, kono nebasinyize nako yabatu bane bayozwa kwahule,” nekubulezi Martin. “Hakuna muyahi wanaha yaswanezi kushubulwa cwana, nebaswanezi kubona kuli batu baezwa hande,” naekelize.
Martin nakupile hape kuli ba TransNamib baikupele maiswalelo, nikuli bakale sinca. Mi babañwi bane babata misebezi neba bilaezi kuli kambe nebafilwe nako yetelele yakuisa mapampili abona isi kuyo alatela falukwakwa. Bane batokwa misebezi nebazwile kwalikiliti zene zamutulo. Niha, kufa mapampili nekukalile ka 8, babañwi nebasaya teñi ka 10. Ba New Era nebapalezwi kufumana manzwi kuba TransNamib, kanako yakuhatisa.