RUNDU – Baana baketalizo babanyazwa kabubiteleli, bao mwa kweli ya Njimwana neba hanezwi lifa masheleñi akulibelela taba yabonda kwande, kalikakalezo zakuli neba bitelela banana kwa maino akeleke ya Catholic kwa Nyangana mwa sikiliti sa Kavango ya Wiko, neba tomezwi kulifa N$ 3000 yakulibelela taba yabona kwande cwalecwale.

Babakulubelwa nebapila kwa maino alituto za silumeli, mi bakulubelwa kuli nebana ni nzila yakukona kuikopanya ni basizana babapila teñi. Babakulubelwa baka kutela mwa khuta ya Ndiyona la 13 Liatamanyi 2025. 

“Haiba mupalelwa kubonahala mwa khuta liñolo la kuli mutamiwe lika nyatelwa. Masheleñi amulifile kuli mulibelele muzeko kwande aka kuta kwa mubuso swalelele mi mukatutiswa mwa sitokisi,” nekubulezi khuta.

Ñambekelo yeñwi mwa kulukululwa kwabona neli kuli habana kusuta bukaufi ni maino alituto za silumeli a Nyangana. 

Habana kusuta mihato ye mwanda bukaufi ni liezwa. Hape basike baisilinga ni lipatisiso za sipokola ni lipaki za mubuso. Haba lumelelwi kuzwa mwanaha, kapa kuzwa mwa silalo sa Rundu basa lemusi mubatisisi. 

Kanako yakutamiwa kwabona lipaki neli kile zatalusa kuli bubiteleli nebu petelwa kwa muyaho kwande ni maino abasizana. Basizana bane babitelelwa bane baiketezi kupatulula nebali mwahala lilimo ze 13 kuisa kuze 17. Likezo za kubitelela likulubelwa kuli neli ezahezi mwahala Sope ni Njimwana 2024.

Babakulubelwa ki Nakadhilu Sem-Penda (26), Markus Bluethoos Thitarapa (24), Benson Shiteketa (25), Pontianus Hazald Shashipapo (26) ni Paulus Lukiwa Scorpion Ndara (27). Neba yemelwa ki muyemeli yafumaneha mwa Rundu Benhard Tjatjara