KATIMA MULILO – Balimi mwa sikiliti sa Zambezi bafitisize lipilaelo zabona hala kutokwa musika sakata, kozi yetiswa ki linanga, hamoho cwalo ni tokwahalo ya putako ya lituso za miyaho sakata. Kwa mukopano wakuikambota viki yefelile mwa Katima Mulilo, balimi neba bilaezi kuli hakusina musika sakata kwakulekisa lico zabona bupilo bwa bona bumwa kozi. 

Hana lika ku alabela falipilaelo zeo Likwambuyu wa Likolo la Njimo, Bundui, Mezi ni Cafazo ya Mubu Ruth Masake, nasepisize bane bali kwamukopano kuli mubuso uitamile kutahisa milao yena ni “likalabo, yengelezi ni yetisa cinceho” kwabutata sicaba sitalimana ni bona. 

Masake hana bulela kwa mukopano one u ungekilwe ki katengo ka Namibian Agronomic Board, nahatelezi kuli kuna ni tokwahalo yakutahisa litalululo sakata, kubukeleza bupilo bwa batu bo buitinga fa limbule za mubu, mezi mi bundui. 

“Butata bolutalimana ni bona, kukala ka kucinca kwa mayemo alihalimu, kufofala kwa mubu ni tokwahalo ya mezi hamoho cwalo nikutokwa lico, kutokwa swalisano ni litatululo zakusebeza hamoho,” nabulezi, kwa mukopano kone kukamuhezi balimi, baeteleli basizo ni tutengo twa sicaba. Masake na susuelize swalisano ni kubeleka hamoho kuba zabutokwa mwakulwanisa butata bwa kutokwa mezi ni lico sikiliti si talimana ni bona. 

Nalumbile sikiliti sa Zambezi kakuba ni limbule za nyambe ni sizo, kononahatelezikulilimbule zeo liswanela kusebeliswa kaswanelo kuli sicaba sa cwale ni masika akwapili bafumane fateni sesiñwi. “Mukopano wo hakikutaha feela hamoho. Kikolo yakuli lu ambole, luikabele zibo, ni kunga muhato,” nabulezi. 

Mukopano notisize hamoho babutokwa kuzwelela mwa njimo, bundui, mezi ni mubu kuto ambola za mihato yakubona kuli kuba ni kekezo mwa kuba nikutulo sakata, kubona kuli lico liba teñi, nikuhulisa pabalelo sakata ya limbule za nyambe. Mukopano hape neli wakubata kuhulisa kuikambota mwahala sicaba ni mubuso nikubona kuli manzwi asicaba ki abutokwa, mwakushenga bukamuso bwanaha hala litaba za njimo.