Babane hala baketalizoho bane batamilwe Labune, kanako yeo katengo kalopo nekatuba mandu kwakomponi yanaikahela ya Lwanyanda, nebalukuluzwi Labutanu hane babonahezi mwakhuta yasikiliti ya Katima Mulilo. Moses Mushe walilimo ze 38, Mukupi Musheti walilimo ze 36, Dinah Mwiya walilimo ze 21 ni Peggy Nehemia walilimo zemashumi aketalizoho kazetalu, nebalukuluzwi kasamulaho akutomelwa masheleñi alikana N$800, N$500, N$500 ni N$600 kutatamana cwalo, akuli balibelele muzeko wabona kwande.
Muyahi wanaha Zambia Moola Limakazo nahanezwi kutomelwa mali akulibelela muzeko wahae kwande, kamaikuto akuli akaswana abaleha. Batalimana ni lifoso zecwale kakulwanisa mapokola, kutibela talelezo yamulao, mi muyahi wanaha Zambia utalimana ni foso yakekezo yakuloba mulao obona zakuzwa ni kukena mwanaha. Neba bonahezi fapila muatuli yomunyinyani Davy Kambinda, mi muyemeli wamubuso neli Cedric Mundia.-