Taimi Haihambo 

BANK OF NAMIBIA, ehangano olo li na oshinakuwanifa shokulonga oilmaliwa moshilongo, ole ya po nediladilo li pe lo ku longolola oimaliwa aishe moshilongo oku dja kwayi ikukutu fiyo oyeyi yomafo. 

Elelo laBank of Namibia edi ove di eta pouyelele Etitatu, eshi va li tava ningi edimbuluko lokampani eshi ya wanifa eedula 35, voo tava nangeke oimaliwa ipe oyo tai ka longifwa moshilongo. 

Oimaliwa ei ikulu itai ka tulwa vali moilonga. Oimaliwa ngaashi eesepenifa oda dja po paife otaku ka longwa oifilinga ivali i li mumwe. 

Pe fimbo lenangeko loshimaliwa Presidente Netumbo Nandi-Ndaitwah oo a nangeka oshimaliwa paveta okwa ti, monale manga Namibia ina manguluka ovanhu okwa li ashike hava longifa oimaliwa ya dja kondje yoshilongo. 

“Odola yotete moNamibia oya nangekwa nokulongifwa momafiku 14 Sepetemba 1993, oyo ya li ya longwa koBank of Namibia, nosha li ehafo linene kOvanamibia. 

Oimaliwa yomafo moNamibia oye lixula okushendjwa mo 2012, omanga ei ikukutu nghee ngaho ya totelwe mo 1993, nonande pokati opo pwa ka ndulukwa ngaho oN$30.00 i li mumwe osho yo oN$ 60.00 i li mumwe yoimaliwa yomafo. 

Nandi- Ndaitwah okwa ti okwa pandula unene eshi Namibia naye paife a dja konima yefiya shaashi oilongo ihapu oi li komesho ne nghono ngeenge tashiya kiomaliwa ipe. 

Oimaliwa ikukutu opo ya longwa otai ka kala i na omafano a kalela po ounamapya, okawe, osho yo omalweendo omeendjila. Omanga ei yomafo tai ka kala i na omafano a kalela po omapendafule ooKaptein Hendrick Witbooi noo Dr. Sam Shafiishuna Nujoma. 

Nandi-Ndaitwah okwa yandja yoo olupandu l nene kovanashilonga vokoBank of Namibia molwelitulemo lavo moilonga. 

-Taimihaihambo2000@gmail. com