KATIMA MULILO – Lubasi lwa basupile mwa komponi ya Cowboy, bane basiilwe fa ‘nandaleza mulilo umano cisa ndu yabona mwa kweli ya sikulu, bakonile kuyaha ndu ya bona katuso kuzwelela kwa Masamaria babande. Hala bao bane babatusize ki kampani ya Zambezi Build It, yene neuzi lisebeliso za kuyahisa za teko yelikana N$13 000.

Lisebeliso zene neuzwi kungelezi cwalo ni masenke alishumi ka asilezi, likwalo zepeli, lipikili, mapulanga ni likota za kuyahisa. Membala wa lubasi, Nakwezi Mukasa, nasakoni kupata tabo yahae kuli sililo sa bona sa kubata tuso nesi wezi mwa mazebe ateleza.

“Neni sa zibi kwa kukalela. Nebatile kanako yelukela. Hane ni latehezwi ki sepo, bataha kuto ni otololela lizoho niku ni nanula. Ni itumela hahulu kwa Zambezi Build It,” nekubulezi Mukasa. Uthmaan Bhamjee kuzwelela kampani ya Zambezi Build It, naize neba swelwi maikuto bamano bona likande la lubasi lwa basupile bane balatehezwi kindu ya bona kwa mulilo, kacwalo baiketela kuotolola lizoho la kutusa. 

“Kwa Zambezi Build It, lulumela mwa maata akukutiseza kwa sicaba – lulumela kuli haufa ha`nwi, Mulimu ukufuyaula halishumi. Kasamulaho ni luna lu latehelwa ki lipisinisi za luna kwa mulilo habeli, lu utwisisa butuku ni butata bobutiswa kisinyehelo ye cwalo,” nekubulezi Bhamjee. Na ekelize kuli “neli nto yelukela kuli nelu yemi ni kutusa lubasi lo, ni kuyandululela tuso yaluna kwa sicaba kanako yatokwahalo.”