Oumatyona vavali veedula 17 ova kwatwa po Etine eshi vati va teya ofitola hai landifa eengodi dopeke molukanda Mondesa moSwakopmund.
Eenguhudana
Omukainhu vati a kengelelwa kukahewa kaye eshi e mu yandja po a hombolwe komukwashiwana waKenya
Omukainhu weedula 41 Rosalia Johannes okwa lulilwa konghalo eshi a fiwa po komulumenhu Jeremijah Mbugua Kamau womukwashiwana waKenya konima ou vati va hombola naye kumengestalata momudo 2005.
Ta pula ekwafo moshiwana shi yambidide ounona vaye
Natalia Sheelongo weedula 39, e li omukalimo womOmuthiya ota indile moshiwana opo shi yambidide ounona vaye va dalwa elongo noikwafifio ngaashi omilambo, omashini, noshotu tuu.
MOndobe mwa monika omukifi wepunga meengobe
Omunambelewawiliki woimuna mouninisteli wounamapya Dr Albertina Shilongo okwa ti momukunda Oshandi moshitukulwa shaHangwena omwa monika omikifi wepunga we li te yela meengobe.
Mwene womukunda moipandeko molwekengelelo lokuyandja oufemba kOmuangola
Mwene womukunda Onawa popepi nOngwediva, opamwe novanhu vakwao vavali ova kwatwa po eshi vati vali tava kendabala okuyandja omikanda doipupulu komukwashiwana waAngola opo a mone oufemba waNamibia.
Muni waShikuku itaka wedela oifuta yomeva
Omupopiliko welelo lodoolopa yaShikuku John Siloiso okwa ti neudo muni ita ka wedela oifuta yomeva yovakalimo vomodoolopa.
Nakufya okwa kala hashi ndi shito omutamanekwa
Ovakwapata vovasamane vavali – Johannes Hanghome (51) oo a dipawa komukulu waye naPhilipus Hanghome (65) – oo eli paife modolongo molwa edipao londenge, ove li moluhodi linene –hasheeshi ashike va filwa ondenge, ndele nomolwa ekwato po lomukulu wavo oo tava ti okwa kala efimbo lile a ninga oshihakanwa shedengo, omatilifo nomatukano hea ningilwa kokandenge oko paife ka xulifa.
Oonakulandifa omalodu vehe na omikunda otava ka handukulwa
Omupopiliko wopolifi moshitukulwa shaKhomas Warrant Silas Shipandeni okwa ti keshe omunhu ta ka hangika tala ndifa omalodu ehe na omukunda wokulandifa omalodu ota ka pewa ehandukilo lopaveta lokufuta oshimaliwa ile a kale eemwedi 12 modolongo.
Nanghama: Epangelo ola longa shomungudo mEpembe
Kansela woshikandjohoololo Epembe Matheus Nanghama okwa hokolola ta ti epangelo ole shi pondola okukala la eta omayakulo e li nawa moshikandjohoololo oo a kwatela mo eepomba domeva.
Omulumenhu vati a fya eshi a yashwa nondjebo
Omulumenhu weedula 53 omukwashiwana waHolland okwa xulifa eshi a yashwa vati komunhu ehe shivike.