Eenguhudana

EENHANA - Nangula Uaandja omupedunashipundi wokangudu kovanhu omuwoyi oko ka hololwa komutwewoshilongo oku tala keenghendabala doku alulila eliko loshilongo kolutenda okwa popya kutya otashi pula ombuda opo Namibia a mone okulunga noku litapula kombuda.

EHEKE - Aakalimo yomoshipotopolwa shaShana oye na uumbanda kutya omvula ndjoka ya kala nokuloka omasiku gaali ga lambthana otashi vulika yi ka ete efundja. Nangula Thobias, omukalimo gwomOshakati okwa li a lombwele Kundana ta ti egumbo lye olyi li kohi yomeya.

KEETMANSHOOP– Omuleli omukuluntu gwoSwapo ngoka oye a kalela po oshitopolwa sha//Kharas Agnes Tjongarero okwa li a pula iilyo yongundu yi longe nuudhiginini opo yi kwashilipaleke kutya ongundu otayi sindana momahogololo ga gwedhwapo guukansela goshikandjohogololo Keetmanshoop Urban kuyele omvula tayi ya.

ONGWEDIVA - “Onda hupula ngaa ne paife, shika osha ninga onkalondjigilile,” Nangula Mathias ta ti ngaaka a tala oongombe dhe dhi li mbali tadhi si kondjala Etitano lya zi ko momukunda Oshuulo mOshitopolwa shaShana.

WINDHOEK- Ehangano lyokulonga oosamende lyedhina Ohorongo Cement olya hokolola kutya omuniilonga gwawo ngoka a si eso lyi nyanyalitha omanga e li miilonga okwa li a sile melyenge lyondhalate.

AMARIKA –Omuprima Saara Kuugongelwa-Amadhila okwa ekelehi omapopyo kutya uunona koAmarika owa sa kondjala, ta ti inawu hulitha kondjala oshoka iikulya kayi mo momagumbo, ihe owa hulitha komanyutu oshoka ihawu paluthwa niikulya tayi tungu olutu noyi na uundjolowele nenge ihawu pewa okulya nando nando.

Windhoek - Omukuluntu gwopolisi yaNamibia Inspector General Sebastian Ndeitunga okwa indile oshigwana shi kale sha ngungumana noshi na ombili pethimbo lyomahogololo.

OSHAKATI – Omanga yamwe yomaanyasha mondoolopa yaShakati taya ti yo itaya hogolola, yamwe otaya tsu ooyakwao omukumo opo ya hogolole yo ya kale ye na uuthemba oku pula shoka ya hala okuningilwa kepengelo ndjoka ya tula koshipundi.

OSHAKATI-Nonande omaso gaanona haya valwa moomwedhi inadhi adha okuvalwa oga kala ge li pombanda moNamibia, nuumvo omaso ngoka oga shuna pevi noopelesenda hetatu.

ONGWEDIVA –Omuntu nguka kaandi shi kutya oye lye, ita hulitha po okulandula ndje. Onda loloka oku fadhuka po. Ombili aantu yandje, ondi mu hole amuhe…