Maputas hîa Bwabwata !Hū!nāsi ǀGuru!hanab !nâ ǁgoes di ǁanǂgāsaben, Mukwe ǁhûi!nâǂharis din ge ǁîn di ganganxasiba ǂhanuba gere mā, !noea!nauxasen ge ǂhâǂhâsa !oabade a sī-ūbahe !khais !aroma. Nē !oabadi ge !hūǁîsise ǂan!gâhes ǂkhanina !khōǂgā hâ tsî noxopa ra ai!gû.
!Hū-o !hūǁîna hâ!khaimas dīǀgauga ǁkhawa kō!gâs ministeris ge ǀgam !garo!āra ge ǁama hîa ǀhûǁarebese nî ǂgari-aihe !hū!âdi !nâ ǀKhomani ǀhûhâsib !aroma nî ǀgoraǂgāhese ira.
300 xa a !nāsa Tsoaxubams di omaridi hîa Democratic Resettlement Community (DRC proper) ǁanǁguib din ge ǁnā !hū!âdi hîas ge !ā!khōmaisa ǂhanuba xus ge hō maris ǀkha a !anutoade xu nî domdore.
ǂGuro Ministers Beros ge hûhâsigu di ǁanina ra ǂgan, in ū-oasen ǀkhurubhuib !aroma ra māhe ǂûna ǁamasa xu tsî ǁamas soas !nâ Namibiab ǀAwa!namna ǁnāti ī ǂhanu tama !nae!khaiden ǁîn ǂharidi tamas ka i o nî ǂans karao. kara o.
Malarias ge ǀgaisa ǂurusib ǂâiǂhansens ase Zambezi ǀkharib di ǂurusib !âba ība, ǁnāpab nē ǀkhariba ǂguro wekheb 2023ǁî kurib diba xu !nonaǁî wekheb 2024ǁî kurib dib kōse 7 264 malarias !nae!khaide ge !nurihese.
Namibiab ge ǀasa presidenta ūhâ. ǀAsase go ǀnauǂgāhe !Hūb di ǁûb, Nangolo Mbumbab ge ge mîǁgui, ǁîb di ai!gû-aob go ǁnāxūpa ūkhâi tsî ǁîb di ǀumisa nî ai!gû-ūsa.
Namibiab ge a !nona Afrika !hūgu di ǀgui hîa noxopa Sim kartdi xoamâidi ǀkha toa tama hâba. Ministeri ǂAnǂandi dib, Peya Mushelengab gere mîsa !oas ge ǁîb di ministerisa ǀgaisa ǁguiǂamsa ūhâ, mîǁguisa ǁaeb !nâ hoa Sim kartde nî xoamâise īsa.