Khoekhoegowab

ǁGau!nâs ministeris di sîsenǂuira direkters, Sanet Steenkamps ge ra mî, ǁgau!nâ-aona ǀomkhâis ân !nâ omkhâis !nâ-ūs ministerisa ǁkhāǁkhākhâitoas ǀkha !kharaga proxramga ǁkhāǁkhāsenaon ǁgas tsîna ge ǂhāǂuisa.

ǂHanu-aisib ministeris ge ra ǂâi!nâǁgui, mario!nâ !oabade ǂnoaba-aon !aroma ǁgui-aisa sîsenni ase ǂnûiǂgāsa, in ǀhûhâsigu ǁanin hîa nēti ī ǂhanusi !oabade ǁkhāba tama, xawe ǀgaisase ǂhanusi ǂnoabadi ǂhâsib !nâ hâna ǂnûǁkhaebahe ǁkhā. 

ǂNamipeb tsî !narisarimas ministeris ge ge !khō!gâ, hoa ǂhâbasa ǀaweǁguigu dītoahe hâsa, ǁkhaisa !aruna Indiab ǁga sîǂuis !aroma. Nē !arun ge ǂoa ge wekheb di Fraitaxs, 16 Taraǁkhumuǁkhâb dis ai Indiab ǁga ge ǁkhana-ūhe. Indiab hîa Asiab di !âb ge ǁkhawa !aruna ǁnā !hūb !nâ mâi-ai!âs di projeksa ra mûǂui, ǁnā !hūb !nân ge nē ǀō-aisa !aubǀguruna 1950 kurib !nâ a ǁōǂoas khao!gâ. 

ǀKharisi ǁNâu!gâ!khaib di ǀGora!gâ-aob, Leopoldt Hangalob ge ǂoa ge wekheb Donertaxs ai ǁnā ǁhōba ǁnau!gâhe nî ǁhōn di xoakhâiba xu ge ǀari. Nē ǁhōb ge a Chinese ǂharugu-aob, Hou Xue Chengi tsî ǁîb ǀkha ǀguipa ra ǂâisāhe, Namibiaǁîb Hamutenya Hamutenya hâkha di hîa !kharaga!nâgu ǀhôakao ǂharugudi, ǁkhaubasa !aubǀgurun xūna !khōǂgā hâ. !Aromas

Namibiab ge !hūb ase 30.9%gu khoen ǀguina !khāǁkhae hâ, hoa !hūbaisi tsî !hū!nāsi mîǁguib 70%gu dib ǀkha i kara ǀgoweǀnōheo. Namibiab di ǁkhoreb ge 1 779 271 khoena !khāǁkhaesa xaweb ge Namibiaba nēsis kōse 550 317 khoen ǀguina Covid-19 !oagu !khāǁkhae hâ

Nausan ǂhanub, omkhâisens !nâ ra hui !âǀhuru-aon, kerkhegu tsî ǀhûhâsiga ra khâiba khoena ra dītsâ surigu ai !gao!gaosa ǂkhawadība ǁkhaesa, xaweb ge nē ǁkhoaxa tama mâsiba ra ai!gû.

Rundus ǂHanusi ǀAeǁgâub ge ǂoa ge wekheb Mantaxs ai 40 ǁkhāǁkhāǂuisentoa go ǀaedī-aon,  ǂguro !nās ase ǁîn di ǀaeǁgâub !aroma !nae!khais ase īse go !khō!oa. 

Kunene ǀkharib ge noxopa ǀgaisase ǀkurub xa xāǂgāhe hâ, ǁnāpab nē khariba ūhâ hû ǂgiǂgosi ǁhûi!nâǂharide xu di korode ǁkhōǁkhōsa ǂnâsa mâsib !nâ nēsi ǁaupexa hû kuriga ra ôa-am ǁaeb !nâ hâse. 

Nausab ǂhanuga ge mâmâisa ge dī, nēti ī ǂkhari-omn di sîsenūsab Namibiab !aroma 2017ǁî kurib ǀams ai ga ǀamǀamhâ ti, xawe di ge omaridi hîa Kuneneb, Hardap tsî ǁkharas ǀkharigu dina koro kuriga nēti ī mîmâis khao!gâ !kharu tsî noxopa nē ǁhōxuhe ra ǂkhari-om!nôana ra sîsenū.

Namibiab Marisâuǂgaes ge ǁawosasib Åkha ra mî, Åguis khami ī ǂhanu-i tsîn Namibiab !nâ a Åkhai !khaisa, ǂgui !gôab di marisa ǁgâus tawa tamas ka i o ǂharugu!khaib tawa ūÅgarasa ra !khâikhom-e.