Khoekhoegowab

Kunene ǀkharib ge noxopa ǀgaisase ǀkurub xa xāǂgāhe hâ, ǁnāpab nē khariba ūhâ hû ǂgiǂgosi ǁhûi!nâǂharide xu di korode ǁkhōǁkhōsa ǂnâsa mâsib !nâ nēsi ǁaupexa hû kuriga ra ôa-am ǁaeb !nâ hâse. 

Nausab ǂhanuga ge mâmâisa ge dī, nēti ī ǂkhari-omn di sîsenūsab Namibiab !aroma 2017ǁî kurib ǀams ai ga ǀamǀamhâ ti, xawe di ge omaridi hîa Kuneneb, Hardap tsî ǁkharas ǀkharigu dina koro kuriga nēti ī mîmâis khao!gâ !kharu tsî noxopa nē ǁhōxuhe ra ǂkhari-om!nôana ra sîsenū.

Namibiab Marisâuǂgaes ge ǁawosasib Åkha ra mî, Åguis khami ī ǂhanu-i tsîn Namibiab !nâ a Åkhai !khaisa, ǂgui !gôab di marisa ǁgâus tawa tamas ka i o ǂharugu!khaib tawa ūÅgarasa ra !khâikhom-e. 

Namibiab Studentn Marisihuib ǂKhâ!nâs ǂGaes (NSFAF) ge ge ǂanǂan, mâǂoa hâ maridi hîa ǁkhāǁkhāsens !âb dide Aoǁkhumuǁkhâb !nâ nî mātare !khaisa.

!Hao!nāsi ǂgaeǂgui-aon hîa Zambezib, Otjozondjupab tsî Kavangob Aiǂoas Åkharib hân din ge a ǂkhîo!nâ ǁkhâkoroben ǂhanuba xu ra !khō!oa maridi Åkha. 

Rössing Uranium mains ge ǀgūǁae Willem Borchard ǂAmskoli (WBP) hîa Erongo ǀkharib di Dâures ǁHûi!nâǂharis !nâ ǁgoe ǀÂǂgomes !nâ mâba, ǂûsâi!nâ!nā-oms ǀkhaeba ge mā.

ǀAeǁgams !Ā!khōmais ge go mā-am N$21 miljunsa ra ǂgan !hūs Katuturas ǁanǁguib !nâ ǁgoesa nî ǁamaxuse isa, Auto Tsūke!gân ǂGaes (MVA) hîa ǀaweǁguib !oa, ǁnāti i senters hîan ǀgaisa tsû-aina tsūke!gân xa !aromahe hâse ra hō khoen tsî ǁnān hîa ǂurusib !oa hâ kō!gâsa ǂhâ hân tsîna nî ǀae!khō!nâhesa ra ǂnuwiǂgaosa. Nē ǂganǀgaub ge ǁkhāsib !oagu ra mātarehe tex-e !khōǂgā tama hâ. 

ǀGam danan ase !ereamxasiga !Gomenǁgams !ā!khōmais !nâ tani hân ge ai!â gere ǂoa wekheb ai ǂgaoǀkhāsa !harib ai hâ sîsenna dī tama is tsî sîsenni !oagu hâ ǂgaoǀkhāde !ûǂams ai ǀhapixase ge hōhe. 

ǁGûn hîa skolǂgâ ra ǀgôana Tsumkwes ǁhûi!nâǂharis !garo!ā skolgu !nâ ūhân ge ra ǂâiǂhansen, ǁgau!nâ-aon hîa !amku hâ!khaina ūhâ tama i tsî tentdi !nâ ra ǁomn nî ǀkhara skoln ǁga doe hîan hâ!khaina a hō ǁkhāna tsîn ôasana ǁgau!nâ-aoo!nâse nî hâsa.

!Namiǂnûs Huri-ammi Omkhâisens ǂharugub (LWDC) di sîsenǂuira danab, Fluksman Samuehli ge ge mî, ǂans ǀkha ǁāǁāsa tsî ǀgaisa turaba ūhâse aitsama ǂharuguba ra tsoatsoa ǂgao ǂkhamkhoen kaise a ǂhâbasa !khaisa hoa !hūbaisi sâuǁkhāsiba omkhâis !nâ.