Silozi

Kezahalo ya kukonkiseza bayemeli batolopo ya Katima Mulilo yene swanela kuezahala Labune, ne isizwe kwapili kasamulaho limembala zetalu zalikopano zelwanisana neli iketezi kutondahala kwakezahalo.

Mulimi mabapa ni Khorixas mwasikiliti sa Kunene nalatehezwi kilipuli zemashumi amane kazetalu, kasamulaho litau lipunya mulaka Labutanu viki yefelile.

Yene abeleka mwaofesi yebona zakuongaonga sicaba (Community liaison) Joseph Mbuce ubulela kuli kutokwa masheleñi kufofalize pono yahae yakubata kuba muñoli walibuka yazibahala.

Likwambuyu wasilelezo Albert Kawana ubulela kuli mubuso uka nyatisisa katulo yaviki yefelile ya Khuta Yepahami, yekona kukwalula nzila yakuli yane ili membala wandu yamilao Geoffrey Mwilima alukululwe mwatolongo, kasamulaho alitatubo zamakete.

Limembala za mishitu ya sicaba mwasikiliti sa Zambezi nelifumani lituto hala sebeliso likayo zamitai yalikota ni libumbu viki yefelile Labubeli. Likayo zepeli neli lekilwe kiofesi ya NILALEG, kutusa mishitu ya sicaba kukaya mitayi yalikota ni lico zalikomu.

​​​​​​​Mapokola mwasikiliti sa Zambezi nebatamile babakulubelwa babane, mwalikezahalo zepeli zeshelana, kakufumanwa ni nama yakokoñu ni litobolo ni malumo.

Baima bane bakatazeha kufumana maino nako yakupuluha hai atumela sebakona kukatuluha, kasamulaho akukwalulwa kwamuyaho watibelelo mwa Katima Mulilo.

Sikwata sa babilaeli nesi cauzi mwamakululu atolopo ya Katima Mulilo kuliba kwakatengo katolopo, ili kone bailo tambeka liñolo la linonge.

Mapokola mwasikiliti sa Khomas nebatamile muuna walilimo zemashumi amane kazelobañwi, kalikakalezo zakukunupa nikubulaya mufumahali wahae kasamulaho akuomana. Kezahalo nebile teñi Lamubulo kanako ya 16h07, fandu 1978 mwalikululu la Omuvapu mwakomponi ya Ombili.