Silozi

Kampani ya zabumalonda ikwenuhezi kwa Khuta Yepahami kuli ihapeleze likolo la njimo kulukulula masheleñi alikana bolule babane ni licika (N$4.5 million), kamusebezi one ifile kwa simu ya mupunga ya Kalimbeza mwasikiliti sa Zambezi.

Mapokola mwasikiliti sa Kavango ya Wiko mwasilalo sa Mukwe bakatazeha kutama sifosi, kasamulaho akubitelelwa kwamusali ya takana la 5 Muimunene 2022, kanako yene sika zizwa kwamunzi waBiro.

Katengo katolopo ya Katima Mulilo kabulela kuli kuwisiwa kwamandu liviki zepeli zefelile, nekutile bakeñisa kuzwelapili kuhana kwabayahi bane bayahile isi kumulao kufiwa maino kusili. 

Katengo kaZambezi for Women’s Rights Programme (ZWR) mwatasa katengo ka Women’s Leadership Centre, nekabile ni mukopano mwa Katima Mulilo kuambola kamo baeteleli basicaba bakona kubeleka hamoho kubukeleza liswanelo zalikalibe ni basali mwasikiliti sa Zambezi. 

Patisiso yene ezizwe kilikolo la makete ibonisa kuli kuiponda mwanaha Namibia kutiswa hahulu kibuinosi, kulatelelwa kikuhaniwa, kulatehelwa sepo, butata mwamabasi, kuikutwa kusaba nituso nikubata kuli babañwi balemuhe butuku bobali kubona.

Kubonahala inge hakuna bukamuso bobunde, balimi balikomu mwasikiliti sa Zambezi habazwelapili kulatehelwa kilimunanu zabona kwamalengwami balikomu, ili buñata bwabona basimuluha mwanaha Zambia, mi basila isi kamulao kuto uzwa likomu mwanaha Namibia. 

Kopano ya Independent Patriots for Change inyazize hahulu taba yakutuba mandu kikatengo katolopo, kene kafumani taelo yezwelela kwakhuta kuli kazwise bayahi bane babupile komponi ya Lwayaha isi kamulao. 

Mushemi wamusali walikwasha yana ni bana babane nasiyezi akubukanya bupilo bwahae niku olela libyana zahae Labune, kasamulaho akuwisiwa kwandu yahae, nako katengo katolopo ya Katima Mulilo katuba mandu mwakomponi yanaikahela ya Lwanyanda.

Babane hala baketalizoho bane batamilwe Labune, kanako yeo katengo kalopo nekatuba mandu kwakomponi yanaikahela ya Lwanyanda, nebalukuluzwi Labutanu hane babonahezi mwakhuta yasikiliti ya Katima Mulilo. 

Muyahi wasikiliti sa Zambezi naipihile kwamapokola, kasamulaho akukulubelwa kuli nabulaile mufumahali wahae kakusebelisa tipa ya Okapi, kwamunzi waShungu mwasilalanda sa Kongola