Auleria Wakudumo 

Opolifi moshitukulwa shaHangwena otai konaakona oshibofa shedipao sha dja eshi olutu lomulumenhu weedula dopokati eli tuwa a xulifa eshi vati a yashwa nondjebo ku walye. 

Oshiningwanima eshi osha ningilwa momukunda Oshalumbu mOkongo, taku tengenekwa sha ningwa Etivali lwopo 20h00 fiyo opo 21h00 lwaapo. 

Nakufya ota tengenekwa eli pokati keedula 30 fiyo 40 lwaapo. Ina tongololwa natango kedina nolutu lwaye ola twalwa koshipangelo shaKongo opo lika ningilwe omakonaakono a wedwa po. 

Otaku hokololwa nakuningwa oshihakanwa eli tuwa Etitatu lomafiku 27 Auguste neudo kokaana kofikola. Nakuningwa oshihakanwa vati okweli tuwa a punda pedu. 

Opolifi oya holola kutya vati nakufya okweli tuwa a yashwa nondjebo oikando ihapu mofingo. 

Nakufya okwali a djala ombulukweva imbulau, okambidja kena oumufinda vashona keli kombada yombidja itoka, oikaifino imbulau oshoyo outapa voHavainas nokambale katilyana engwili. 

Opolifi oya holola kutya ovakwanedimo inava shiivifilwa natango nomakonakono opolifi otaa twikile. 

-wakudumoauleria@gmail.com