Omulumenhu weedula 49 okwa xulifa eshi a wila momufima komukunda Onashiku moshitukulwa shaMusati Omaandaxa. 

Nakufya okwa tongololwa oye Jeremia Uusiku omukalimo womomukunda Onashiku. 

Omupopiliko wopolifi moshitukulwa shaMusati Senior Inspector Anna Kunga okwa hokolola ta ti omulumenhu okwa dja mo meumbo ndele ta lombwele ofamili yaye kutya oku na oupyakadi. 

Otaku hokololwa kutya okwa fiya natango omukulukadi waye efiku olo a uka keendingosho. 

Opolifi oya hokolola tai okudja efiku olo ongodi yomulumenhu ou oya kala ya dima. 

Olutu laye ole lituwa kovanhu kwa li va ka teka omeva komufima efimbo lokomatango. 

Opolifi oya kumaida oshiwana opo shi kale tashi ka konga omakwafo kovaxungimwenyo ngeenge tashi hepekwa koupyakadi wopamadiladilo. 

Ovaneumbo navo ova kumaidwa opo ngeenge va lombwelwa kovakwapata vavo ve na oupyakadi va kale tave va tonatele. 

-fhamalwa@nepc.com.na