Taimi Haihambo

Omupedu minista wehongo Dino Balloti okwa ti epangelo ola yandja eemiliona N$200 koshikondo shehongo opo di tungile keefikola dokomaushai eengulu dounongononi, tadi ifanwa eelabola.

Edi okwe di popya pefimbo ali ta ta lele po ofikola yedina Sackaria Shikudule moshitukulwa shaHangwena, oya nayo imwe yomeefikola odo da teelelwa dikale koshivalo sheefikola odo tadi ka pewa eelabola. “Eelaboratory (eelebola) otadi ka kala hadi longifwa kovanafikola moilonga younongoni, voo nounona va kale yoo  veshi oku longifa eekombiyuta shaashi vahapu omito youludi e li ohave keimona ashike koiputudilo yopambada nohashi kala she va djuupalela neenghono,” Balloti ta ti. 

Okwa ti omauwa aa otaaka wanifilwa po ovanafikola neudo, shaashi epangelo ola hala oku fya oshisho kutya omunafikola eli keefikola dokoushai naye okuna oufemba ufike pamwe naau eli modoolopa ile koshilandopangelo.

Keshe moshitukulwa vati otamu ka hoololwa eefikola dafika puhamano odo kumwe ta di kakala di li lwopo80, nota di ka pewa eelabola dawana po dina oikwafifohongo aishe. 

Keshe olabola otai kakala ina eekombiyuta di li 40. 

Omuvalu deekompiuta adishe tadi ka tukulilwa eefikola odili 3360.

“Oilonga ei otai ulike nghee ouminsteeli wetu  we li paka mo mokutula ehongo lokanona Okanamibia komesho, oshoyo oufike pamwe moshilongo. 

Pefimbo letalelepo lomupedu minista ofikola yaSackaria Shikudule, ofikola oya li yoo ya etelwa oikwafifo hongo yopaungoba kehangano loSprider Fishing Company ina ongushu yoN$ 150 000. Ehangano  olo natango ole li pyakidila noku yandja omaano oikwafifo hongo keefikola heyali moitukulwa yayooloka moshilongo. 

Sackaria Shikudule oyo i lo koshi yewiliko lomufita Taarah Shalyefu ofikola ili mokati komikunda moshitukulwa shaHangwena, noya shiivika nawa molwa elihongo lavo li kumwifa oshoyo omalihumbato ovanafikola mawa kamana. Odula yadjako ofikola oyo ya li yafipo eendodo 11 moshitukulwa ashishe shaHangwena eshi ya li yotete, yoo tai kala onhinano pamufika woshilongo moshilongo ashishe.

TaimiHaihambo2000@gmail.com