Ngoloneya woshitukulwa shaShana, Hofni Iipinge okwa yandja ominino di li 50 kelelodoolopa laNdangwa, opo li tameke okufula eendama odo da ninga efimbo inadi longifwa.

Elalakano lokufululula eendama edi, odi dule okuwapalekwa do di tulwe omeva oo taa ka longifwa okutula eeshi, odo tadi ka tekulwa nokukwafa ovakwashiwana vopomudingonoko apa naapenya.

“Omwaalu wovanyasha ava ve li momapandaavanda va pumbwa eemhito doiloga ou li tau limbililike. Onghee onda hala okutameka okukwafa apa handi dulu, opo ndi ete po eepoloyeka edi tadi kaleke ovanyasha ve lipyakidila, ponhele yokukala ashike tava yelaana,” Iipinge ta ti.

Ominino edi da yandjwa kungoloneya otadi longifwa okupombela omeva meendama, nota di ka kwata oshinano sheemita 160.

Iipinge okwa ti oimaliwa aishe ei ya pumbwa okulanda oikwa noipangifo oi na okuyandjwa kexulilo laJanuali, opo opoloyeka i tameke.

“Shima aishe ya pu, eendama otadi kala tadi yandje eeshi kovakwashiwana mokukalo wokulandifa, naikwao ya wedwa po. Opoloyeka oya teelelika yo i ka yandje oilonga kovanhu va koya ile ve li  50.

Ovakulunhu velelodoolopa ova pandula ngoloneya eshi a tameka odula neepoloyeka di na eenghono, naashi e lipaka mo, vo tava pandula yo eshi oilonga yaye tai longwa tai endelelwa. –taimihaihambo2000@gmail.com