Auleria Wakudumo
Ngoloneya woshitukulwa shaShana Hofni Iipinge okwa yandja ekwafo lomidjalo dofikola kovahongwa ve fike po22 kofikola Engombe Junior Primary moshikandjohoololo shaUuvudhiya.
Ngoloneya okwa yandja omidjalo dofikola ngaashi eenghaku, ouhema, eembulukweva neefulukweva noikaifino. Omunafikola keshe okwa mona omudjalo we lixwa po.
Ngoloneya okwa holola kutya ekwafo laye oli li omukalo wokukwafa nokuyambidida ounona ovo ve li momhumbwe keefikola dokomikunda.
Okwa ti ekwafo eli otali kwashilipaleke kutya okaana keshe okeli mofikola neemhumbwe adishe delixwapo. Eshi otashi kwafele yoo ounona op ova kale va fa vakwao mongulu nokukufa ombinga ehongo va manguluka.
Eshi ta yandje omidjalo dofikola kovahongwa, Iipinge okweva indila opo va longe noudiinini meihongo lavo. Ngoloneya okwa indila yoo ovanafikola opo va kaleke omidjao davo da yela.
Meenghundafana naKundana, Iipinge okwa holola kutya ota twikile okuyambidida ovanafikola meefikola da yooloka moshitukulwa shaye. Okwa ti eshi oshili oshikando shotete ta hovele okukwafa ovahongwa ashike ka shili sha xuuxinwa.
“Ohandi ka ya keenhu deefikola da yooloka moshitukulwa opo tu kwatafane novahongi oshoyo ovakulunhufikola opo tu dule okutofa mo ovahongwa ovo vena eemhumbwe nova pumbwa ekwafo ngeenge tashiya koipumbiwa yofikola,” Iipinge ta holola ngaho.