Ignatius Nambundunga 

Onghalo yevako loimuna natango onghee itai tulifa ovanaimuna omhofi meisho moshitunda Namibia koonono, moshiningwanima shitalalee lela momukunda Onanghulo yaShapange moshitukulwa shaHangwena, otaku hokololwa ovafekelwa va shinga po eengwandabi okudja koulifilo noku di yukifa ngeno ombinga yaAngola pehena ediminafano namwene omaliko oo. Oshiningwanima eshi osha ningwa oufiku lwopotundi 21h00 molOmakaya. Ovalumenhu vavali veedula 24 no26 ova tulwa moipandeko shi na sha noshiningwanima eshi, nove li mokalimosho, nova holoka momhangu yaMangestalata yEenhana nena. 

Moshitukulwa shaMaheke moshikandjohoololo shaTjombinde, okwa ditikwa omulumenhu omukwashiwana waAngola womido 23 mekwatafano nedipao longobe yongushu yeeN$9 000. 

Oshitukulwa sha//Kharas nasho inashi fyaala ko koimbuluma ei, moKoes, omakanda avali omido dopokati ova mangwa komiya daShinanan eshi vati va dipaa newewe wongushu yoN$3000 pehe na epitikilo lamwene. Eshi osha holoka pefimbo lomilaulu, hano pokati kotundi 23h00 no00h00 mEtitano, ova holoka momhangu y aKe e tmans o op onghe l a mOmaandaha. 

Pondalaye yaVitoto naKahandja moshitukulwa shaTjozondjupa, opolisi yaNamibia oya taataa nokutula moipandeko omulemhu wumwe oo vati a li nakushinga oshitukutuku sha humbata eengobe da fya di li nhee. 

She likwatelela kolopota yopolifi yoiningwanima yomexuliloshike, opolisi oya ti omulumenhu ou okwa tanauna otuwa yaye eshi a mona einda lomakootili li li komesho aye, nokuya onhuku, ashike onghendabala ei oya xulila mekwena la fita eshi opolifi ye mu taataa no ku mu manga po. 

Oku li momake opolifi, nokwa teelelwa a ka holoke momhangu oshivike eshi molwevako leenghwamayulu dongushu tai tengenekwa poN$90 000, nomakonaakono opolifi oku li metifa. 

-inambundunga@nepc.com.na