Auleria Wakudumo 

Elelo lodoolopa yEenhana ola ongela oshimaliwa shi fike poN$438 500 mouvalelo wowina wa li ko mexuliloshivike. 

Ouvalelo owa ningwa nelalakano lokuongela oshimaliwa shokulongifa momaulikilo oipindi oo taa ka kala ko neudo momafiku 25 Juli 2025 kEenhana. 

Mopaife ngaha oshi li oshikando oshi-15 elelo lodoolopa laEenhana tali ningi omaulikilo oipundi. 

Ovanangeshefa, ovaleli vopapolitika, novaleli vopamufyuululwakalo okwa li va holoka momwaalu muhapu okuyambidida elelo lodoolopa yEenhana. 

Ehangano lokuandjaneka omawi momhepo MTC ola yandja oshimaliwa shi li pombada sha fika poN$70 000. Ongeshefa yoRani Group oya yandja oshimaliwa N$65 000, FNB N$50 000. Omunambelewawiliki wo-MTC Tim Ekandjo okwa yandja N$50 000. 

Omalelo eedoolopa otaa dana onghandangala yakula okuyandjaneka omayakulo koshiwana ngaashi omeva, omalusheno komalukanda, okutunga oundjuwo nokulonga eepate. Omanga tava ningi oma longekido omaul i k i lo oipundi mEenhana, otava ifana ovakufimbinga okudja koikondo yepangelonokoikondoyopaumwene opo ve uye va waimine Ovaenhana. 

Omaulikilo oipindi otaa ka kala ko mo25 Juli neudo, mEenhana Convention Centre. 

-wakudumoauleria@gmail.com