OMUSATI – Ngoloneya woshitukulwa shaMusati Immanuel Shikongo okwa ti Ouministeli wounamapya, omeva, eedjo domefuta netulululo lomadu owa longa nawa okukala wa yandjeneka omeva oshoyo okuyambula po ounamapya moshitukulwa shaye. 

Shikongo okwa li ta popi Etitatu kOutapi pefimbo kwa li ta yandje ouyelele kombinga yonghalo nawa yomoshitukulwa shaMusati. 

Ngoloneyaokwatipaifeomikunda dihapu moshitukulwa shaMusati odina omeva ayela okudilili kouministeli wounamapya eshi wa longa nondjungu okuyandjaneka omayakulo koshiwana. 

Okwa ti koikandjohoololo ngaashi Anamulenge, Ruacana, Tsandi oshoyo Ruacana okwa tungwa eebola domeva 14 di li pongushu yoshimaliwa omiliona N$4.8. 

Okwa wedapo ta ti moshikandjohoololo shaElim oshoyo Etayi okwa tungwa omatele avali kongushu yoshimaliwa omiliona N$2.2. 

“’Omatale okwa nuninwa okutalama omeva pefimbo lodula opo shiwana shi dule okumwefa oimuna yavo,” ta ti. 

Ngoloneya okwa hokolola ta ti ehangano lokundjaneka omeva loNamwater ole shipondola okulonga eeminino domeva ngaashi okudja Outapi, Olushandja, Ogongo nosho tu. 

Okwa weda po ta ti ominino womeva wa dja kOgongo fiyo Oshakati nayo owa longululwa kongushu yeemiliona N$205. 

Okwa hokolola ta ti omeva kwa dana onghandangala ya kula shaashi oha longifwa koshiwana okutekela oikunino yavo nokunuwa. 

Shikongo okwa yelifa ta ti ngeenge ta shiya poshikondo shounamapya oshitukulwa shaye otashi endifa nawa okulonga oikulya yavo vene unene oshikunino shi li kEtunda. 

Okwa ti oshikunino osho shi li kEtunda oshi na eehekita 230, oko kwa kumwa oikunomwa ya yooloka noha i landifwa koitukulwa ya yoooloka. 

“Otuna natango oikunino ya yooloka moshitukulwa shetu. Oikunino ei oya yandje emhito doilonga kovanyasha,” ta ti. 

Ngoloneya okwa ti ngeenge owai moshitukulwa shaye oto hangemo ovanhu ve li pomukunghulo wopate tava landifa oinima ya ndja moikunino. 

Okwa weda po ta ti oshiputudilo shaGongo shoUNAM otashi dana onghandangala ya kula okulwifa ondjala molwashi oku na oshikunino sholwishi. 

“Omudo keshe ovanhu ohava teya olwishi ndele ta li ka landifwa oshoyo okuyandja kovanhu ve li momhumbwe yoikulya,” ta ti. 

Shikongo okwa ti ovanafaalama veendodo da yooloka ohava pewa omadeulo nghene ve na okukondjifa omikifi doimuna. 

Okwa ti epangelo ota li twikile okuyambidida ovanafaalama oshoyo okukwashipaleka kutya oshiwana oshi na omeva. 

fhamalwa@nepc.com.na