OSHIKUNDE- Ovanafikola kofikola Eputuko Combined School ova pewa omaano omidjalo dofikola kehangano Eponga Trading Cc onghela.

Omaano a kwatela mo eenghaku, eembulukweva, ouhema neembidja, okwa pewa omukulunhufikola pEputuko Sirrkka Shikongo komukulunhu wEponga Trading, Maria Shilongo-Ndeulita.

Okwa didilikwa ovanafikola ava kwa li veli momhumbwe yomidjalofikola omanga vamwe okwa li hava i kofikla eemadi kombada.

Ofikola Eputu Combined School oi li momukunda Oshuuli moshitukukulwa shaHangwena noina ovanafikola 351Okwa ti okwa yambidida ovanafikola keefikola da yooloka ngaashi koshitukulwa shaMusati.

Shilongo-Ndeulita ta ti ehangano laye ha li longo eepate noli li paife le lipyakadila okulonga opate ya uka kofikola Eputuko Combined School.

“Alushe ngeenge hadi longo opate ya uka pofikola yonhumba ohandi pula omukulunhufikola opo a penge omadina ovanafikola ve li momhumbwe yomidjalofikola,” ta ti.

Okwa ti itashi ulike efano liwa ngeenge omunhu e li mokati kavakwao ndele kena sha omudjalofikola.

Shilongo-Ndeulita okwa kumaida ovanafikola opo ve li honge nelitulemo va ka ninge ovanashilonga momaifano a yooloka.

Shikongo okwa ti ofikola yaye oina ovanafikola va taalela omashongo oikwafihongo unene tuu omidjafikola.

Okwa pandula ehangano Eponga Trading Cc molwashi la yambidida ovanafikola.

fhamalwa@nepc.com.na