WalvisBay- Erudiko kalikarere kefuta lyomo 2025, eli kaliukere asi kalizegwilire nomuvero dalyo moutano, kalihege nye mosondaha, omu kalirete varugani unene vemepangerio, vana ngesefa novanangesefagona.
Kalikere elikwamo lyewa omu vana kugava uwa wosirongo setu Namibia unene koruha nye rwefutamokureta magano ntani kuruganena kumwe moyirugana yoyiwa.
Ngesi mvhura nye zouvali yina kuhoroka, elikwamo lyangesi lina kara nye asi kuna kuwapukurura unangesefa, ntani ekonomi nongesefa nye nazunye, kapi yina kara asi marandesero gelike nye kuyalipa magano gounangesefa. Nguuru gwaErongo Neville Andre katente asi erudiko eli kuna kara asi lyomutaro paekonomi ntani ukumwe womukunda.
Age simpe katente asi Erongo kuna kara mukunda ogu guna kukambekako kekuliko lyosironmgo, unene komaruha ngwendi nomfi, uturo, vadinguli, rutjeno ntani nomina. Ose tuna hafa unene morwa nongesefa tuna kara nado, kutunda tupu kogreen hydrogen ntani vadinguli nouturo.
Mukaro gwangesi twahepa kuguruganesa yipo simpe tukare ngorooro asi mukunda guna wapa. Mukunda Erongo kuna kara ngwendi marutu gavali, morwa nompito dimwe simpe tadiwiza, yimwe ngesi kuvhura kuy=imona unene kweyi tuna kara nayo ngesi. ‘’ Mukunda gwetu kuna kara ngwendi mukadi gomarutu gavali, nsene mukadi ogo ana hampuruka navenye kuyimona kwato asi ntudi vayikutantere.’’ Ose twahepa kuliwapayikira ngesi.
Elikwamo lyangesi lina reta nye asi tudive asi yinke tuna kurugana gomukunda, omu nye tuna kutunga mokunda Erongo ntani Namibia nazinye, yimo ana kutanta Andre.
Posilika sooso, minitera gona gonomina nonongesefa nomarutjeno Gaudentia Krohne ogu kakapatwilire erudiko eli paveta, kapandwire vawapayiki velikwamo eli Mary Shikongo, omu ana tura nye elikwamo eli likare asi talikarako nkenye mvhura, omu navalikida eyi vana weke, nomagano gawo. ‘’ Mukunda ogu kuna kara gumwe guna kwata ekuliko lyosirongo.
Konomfi, kuna wapa ntani rutjeno ntaniGreen hydrogen, ose kuna kuhwilira nye montambo zompe, omu tuna kara asi magano, mukaro, ntani ndando mokugwedako mepunguro lyanavenye,’’ yimo ana kutanta.
Krohne katente asi epangero lina lituramo unene omu vana kutara asi vadinakntu, ntani vakadi vahepa nye kugendesa una ngesefa gona ntanbi una ngesefa wopokatji vahepa kugwana mbatero zosimaliwa,edeuro ntani marandesero.
-edeklerk@nepc.com.na