Ministeris ǂNamipeb, Haiǂgās tsî !Narisarimas dis ge noxopa a ǁaxa, mâtikō ǀnōb di ǂkhôabab ǁnā !hūǂhuwiba Etosha !Hū!nāsi ǀGuru!hanab !nâ ge !aroma !khaisa. Nē ai!gûgaru ôa!nâdi xa ra !aromaheses ge, ministerisa noxopa ǁawosa marisa a mā ǁoa nē ǂkhôaba ǁkhawa nî !gâi!gâis !aroma nî ǂhâbasaba. Etosha ǀGuru!hanab ge ǁîb di 22 900m² kilometergu âb ǀkha, Afrikab !nâ hoan xa a kai !hū!nāsi ǀguru!hanagu di ǀguiba. ǀHaehe rasa !oan ge 200 000 !narisarima-aona Etoshaba kurikorobe ra sari. 

Nēb ge ǀgūǁae ge khoraǂuisen kai ǂhuwiba, ǁkhaeheǁoasase a hā, soab !nâb ge Namibiaba helikopterdi tsî kaidisidi !nâ hâ ǁkhaubasens mâisana ge sîǂui huiba nî māse. New Erab ge ūhâ i dîdi ais ge ministeris di mîgowaba-aos, Ndeshipanda Hamunyelasa ge mî, ǁguiridi hîa nē ǂkhôahe ge !âga ǁkhawa dī-ūnus ai nî hân ǁgamamdi paigu, ǁgâuǂnamiga !gâi!gâis, tsî !goaxa ǁaeb !aroma ǀaeǂhuwiga ǁkhaubas ǀgauga ǀgaiǀgai!nâs tsîna nî !khōǂgā hâsa. “Kai xūn, aiǁgause omn tsî tsî kampgu aib ǂkhôaba ge dīhe tama īs, ge ra !aroma dī-ūnus !aroma a ǂhâbasa ǁguiris ǂam ǀnōb !nâ nî hâsa tsî ǁnā-amaga ǁgam-amdi tsî ǁgâuǂnamigu ai ǂâisa nî ǂnûisa,” tis ge Hamunyelasa ge mî. ǂHuwib ge nausa kai tama ge hâ i, gangansa ǁnā !hae huib !kharaga ǂgari-aon diba ra māse. Sao ra !khaigu tawab ge ǂam ǀnōb di ǂkhôaga ge hō!âhe, ǂgaiǀons ai Khurus ǁGamams, ǁgâuǂnamib elektrib daragu ge a ǂhuwi, xawe !haese ǀarihe tsî a dī-unuhe. 

Okawao Kampi tsî Pioneer !Garo!ās hâra tawab ge ǁgâuǂnamib !ân tsî ǁgam-amdi paigu tsîna ge ǂhuwi hîa nî dī-ūunhese ina. Hamunyelas gere mîsa !oan ge ǀguis khami i ǂkhôa-e daogu, omdi, ǁgoe!khain tsî hâ a kai xūn ai dīhe tama hâ. !Aubǀgurun ǀkhāb ain ge 28 ûiga ge ǂoa!nâ, xawen !khō!khunihe tidese ī, amaga i ge ǁnāpa mari-e māǂuihe tide. 

“Ministeris ge Etoshas di ǀguruna doe-ū tamas ka i o ǁō gen !aroma !khō!khuni-e dī tide, xawe nî ǁnāxu îb !û-aiba aitsamaba xu ǂuru. ǁNā ge ǁō !aubgurun ge !khōǂgā hân ge ǂkhoan, !airi-i, dôan, ǀgam ǀamira, ǂkhari !napa-i, !goare-i tsî ǂhira-i tsîna. 

Daogu !gâi!gâi!nâdi ge Okaukuejosa xu King Nehaleb ǂGâ-ams Daos kōse, tsî Halalisa !gâb daoba-ū Namutonis !nâ-ū, ǀhaob ai 214km !nūsiba nî !khōǂgāse. !Narisarima-aon ge nē mâsiga ǂanǂansase daoga mîbahen hâse ra sîsenū.