Xoa-ab: Hoandi !Gaeb
ǂNŪǂGOAES – “Tita ge !kharaga skolga ti !norasa ǁaeb !nâ ge sari hâ i, ǁîna ǂgaoǂgao!nâs tsî ǂâiǀgauga dawas di ǁgūbas ǀkha tsî ǁkhā ǁaeb ai ǁîn ǀkha ǀgoragusa ti !gâi!gâgu tsî ǁgoaǂuidi tsîna, Xrat 10s tsî 12s di ǀgôan ǀkha, in ǁîn di ǀuniga ǁkhāsiba mā”.
Fousy Jaars, ǀgamǁî kuriba studentse Universitaits Namibiab dis(Unam) tawa ǂnoaba-aosisa ra ǁkhāǁkhāsens ge -îs !nâ mîǁgui tsî dā!harode ge ū, ǁKaras ǀkharib, ǁîs di !nae ǀkharib !nâs ǀgôana ǂgaoǂgao!nâs !hoa!âde nî māsa. Ai!â gere ǂoa wekheb ais ge ǁîsa Suiderlig ǀGapi Skoli tsî Keetmanshoop Junior Privaat Skol hâkha ǂNūǂgoaes !nâ ge sari hâ i.
ǁÎs ge ǁnā skolǀgôana ge mîba in tā ǀûsen mâtib ga mâsiba !gom tsî a au xawe.
“Sadu ge a !gâi!gâ Xrat 12s !nâ hâdo. Tita ge a ǂan supu tama i hâsa tsî ais ǁgas tsîna supu tidesa ǂgui ǁgoaǂuidi daob !nâ ra hâ xui-ao.
“Xawe satsa mâǁawo re, danaosis !khaubats nî !khās kōse hâ ǁkhā ǁgoaǂuin !nâ-ū tsî sa skolǂgâsa dītoa.
“Sadu ge ge ǁgau sadu ǁgûn, ǁgau!nâ-aon, skoldanab tsî ǁîba xu du ra ǂoaxa ǀhûhâsib tsîna danaodu a !khaisa,” tis ge ge mî.
!Aruǀîs ge Fousysa ge mî skolǀgôan tsî studentn Namibiab !nâ, hoa!nâ-aixase, ǁgoaǂuidi xa saohe hâsa, xawen ge nî ǁgū!kharu tsî tā ǂgaeǁnâ kaisen tsî ǁîn ǁgoetoasa !aroma.
“Tā ǀûsen ǀgaisase ǀgui noxopa ǁgūtsâ tsî sa Xrat 12sa dītoa. ǀNî -ǁgoaǂuin hîa skolǀgôana !nôa-ai!naose īban di ǀgui-i ge, ǀgâsiba, xawets ge sats nēpa ǂnôats ǀguitsa nē mâsiba a ǀkharaǀkhara ǁkhā tsî !gâi tsî ǁkhoaxa !goaxa ǁ-aeb ûiba a ǁawoǁawobasen ǁkhā.”
Kuribǀunis di !âidi ra ǀgū ǁ-aeb ais ge Fousysa ǀgôana gere ǀawemā, !garisen nî ǁkhāǁkhāsensa !hūb di -ǁaes a !âu ǁoa, mûsa tarin sao rase nē îxa !hūb sada diba ǂgaeǂguis aiǂhomisens !nâ ra ǂgâxasa xui-ao.
Jaars ge ǀunis ai ǁ-îs di ǁkhoreba gowaǂui tsî gere ǂgan, !nāsa studentn Unams din ga ǁ-îs di aiǁgausa sao tsî ǁîn di !norasa ǁaegu !nâ skolga sari tsî mātareo!nâ ǂgaoǂgao!nâs !hoa!âde ǀgôana a māsa.