SWAKOPMUND – Ngoloneya woshitukulwa shErongo Natalia /Goagoses, oo moivike yadja ko a ulika kutya ina endela oudano, oshivike eshi okwa patululila oshiwana oimbale yaye, a yandja efano lina sha nonakuiwa yErongo koshi yewiliko laye.
Omutwe woshitukulwa ou owa ti itau ke li didimikila ondede, oku ha longa oshilonga pefimbo, noukayoka komedu ou tawii eepoloyeka depangelo moshipala.
Eshi a ninga eshilikilo laye lotete loshitukulwa moSwakomund mEtitatu /Goagoses okwe shi yelaka kutya elongelo kumwe moshitukulwa olo tali ka kala oshitwa shopokati. Evilikilo laye ola li la nana omangungo ovanhu va dja komakule ngaasho ko Uis, Otjimbingwe nokoshikadjohoololo shaDaures. Ina fiya ko nande osha moku pula elitulomo noku fikifa omakwafo koshiwana.
“Ngeenge hatu yandje efimbo omo oinima i na oku ningwa, nali wanifwe po. Itandi keli didi mikila oinima yomuSepetemba tai kaningwa muNovemba. Fye ni oshisho kutya ovo tava ka pewa oilonga ovei mana pefimbo olo va pewa,” /Goagoses ta ti.
Ngoloneya okwa longifa omhito oyo oku lombwela oshiwana kombinga yeepoloyeka odo opo da manwa okulongwa kepangelo.
Dimwe domwaado oyoyo yomunino womeva uli pokati k Ozondati–Omatjete naao uli koshikandjohoololo shaDaures wa kwata eekiloeta 23. Ominino adishe oda pula epangelo eemiliona N$23.
Omununi oo otau ka kwafa ovakalimo veli 6 000 notau ka yandja yoo omeva kopoloyeka yokOmatjete.
“Omunino oo otau ka kufa po omukundu woku twaalela ovanhu omeva neetenga oo paife hau pula epangelo oshimaliwa shi fike lwopeemiliona N$16 million,” /Goagoses ta fatulula.
Okwa popya yoo kombinga yopate yokolukanda lOkombahe oyo ya kosha epangelo omilionaN$1.7 oku pitila mehangano loRoad Fund Administration.
Ta ti eepoloyeka doludi olo otadi kwafa okuxwepopeka onghalo yoshiwana. Kombinga younamapya, ngoloneya okwa ti oshikukuta osha li sha denga oshiwana neenghono. Onga oshitukulwa shokukondjifa ondjala noluhepo, oikombo i li 80 yombuto oyo ihai tila ondjala oya li ya yandjwa kovanafaalama ovo va pumba ekwafo.
“Aa kaeshi ashike omakwafo, ashike enghonopeko. Ohatu mu pe oikombo opo mu i hapupalife. Ngeenge osho mweshi ningi otwa teelela opo mu tu alulile oikombo 80.
Ina tu mu pa oikombo mukei landife po, inaku tiwa ka ningeni eefandifa,” ta kumaida.
-edeklerk@nepc.com