Taimi Haihambo 

Minista mukulu wounamapya Mac-Abert Hengari okwa pula omhangu mEtitatu, opo i mupe efilonghenda le li futilemo, ta audaneke kutya ngee okwe li pewa kena apa tai. 

Eshi a holoka komesho yomupanguli Monica Andjamba, Hengari okwa ti eshi tashi mu kalifa moshilongo ngeenge okwa pewa eli futilemo osheshi yee kena omaliko eli kondje yoshilongo. “Omaliko ange eashe oku li ashike moNamibia,” ta ti. 

Okwa ti oku na ee company nee di li meni loshilongo. 

Okwa twikila kutya okuna ofaalama yakula ili pokati koWindhoek nOkahandja ina ounene wo700ha, noi na ongushu yeemiliona N$2, oshoyo eumbo li li moKlein Windhoek. 

Hengari okwa twik i la nokulombwela omhangu kutya yee okuna oshinakuwanifa shakula kombala yovaHerero shouyandjimayele osho pehe na ou teshi longo ngeenge kwa kala ina pewa eli futilemo. 

Hengari okwa kwa telwe po muApilili neudo eshi a hangika noshako yoimaliwa yomwaalu woN$222 000, oyo kwa li vati ta kafuta oshihakanwa ombubo shina sha noshibofa shekwato nghonga. 

Pefimbo ali ta pula efilo nghenda le li futilemo okwa ti oimaliwa ei hangika nayo okwa li taka futa ovanafaalama vaye. 

“Ame ka kwali handi kafuta omunhu ombubo, okwa li handi kafuta ovanailonga ava hava longele kofaalama yange,” ta ti. 

Okwa twikila yoo kutya omukainhu oo taku tiwa oshihakanawa vati okwe mu pula ashike oN$200, nokuwete omhangu tai mane po efimbo molwa omafele avali aa vati pulwa komukainhu ou vati oshihakanwa, ngeenge oyo ombabo yemukwatifapo oyo. 

Hengari ina pewa e li futilemo fiyo opapa noshibofa shaye osha undulilwa komesho. 

-taimihaihambo2000@gmail. com