ONGWEDIVAS - !Kharu ge marikurib !nân ge 700 xa a !nāsa ǁhōna 154 ǀawa!namn a !â!nâse ge !nurihe. 2022/23ǁî marikurib !nâs ge Namibiab ǀAwa!namn di ǀHûsa 154 ǀawa!namna !khōsis !nâ ge ū, ǁnāpan !kharaga ǂkhawadīga !khōǂgā hâ ǁhōn ǀkha gere !nuri!gâhese. Nē !gôaba xu gu ge 146 a aore tsî ǁkhaisade a tarekhoe. 

N a m i b i a b ǀ Aw a ! n a m n d i m î g o w a b a - a o s , K a u n a Shikwambis ra mîsa !oa-i ge ǁnā ra mîhe ǁaeb !nâ 152 khoena mâiǁkhaemaris ai ge ǁnāxūhe noxopa di ôa!nâde ra ai!gûse tsîn ge ǀgam khoena !khōsis !nâ a ūǀgarasa. Shikwambis ge ge mî, ǁnā ge a !nurihe 722 ǁhōna xun sao rana !nāsase gere mâǂoa !khaisa: ǁgauo!nâse tsî ǁgaraga !ôa!gâ tamase !naris, saohe rase ǁnaetisa ǁnāǂamdi, Surigu ai !gao!gaosa ǂkhawadīb, !narib tsî ǁgaris tsî !gao!gaos ǀkha hâ ǂkhawadīb hâna. Nē ǁhōn hoan ge noxopa ôa!gaodi !naka hâ. 

“ǁNā-amaga i ge nî ǁnâu!āhe, ǁhōn hîa ǀawa!namn !oagu a !nurisan ǀnîna a ama tsî ǁnâu!gâhe tsî ǁkharahes tsîna dī hâsa. ǀNî ǁhōn ge aitsama a kurusa tsî ǁnā-amaga !nubusib ǁgauǁgaun dib xa !aromahe hâse xū-e a dī-aihe ǁoa,” tis ge gere ǁgui!ā. Shikwambis ge ge mî, nausan ǁhōna ǀawa!namn !oagus tsîna hâ, xawe da hoaǁae ǀawa!namna ra ǂgaoǂgao!nâ tsî daoǁgau in ūdawasen !gâi tama sîsenǀgaugu tsî ǂkhawadība a !aroma ǁkhā tamas ka i o tsū ǀkhāb ǂhanub dib ǀkha a ǂgâ!nâ tsi ǁkhā xūna xu. Sada ge ǂhanub nî sîsenǂuihesa mâba sîsenaoda ase hoaǁae ǂhanuse sîsensa nî ǁgūba,” tis ge gere mî. 

“Nēpa ta ǁkhāti nî ǀaro !khais ge, nausan nē ra !hoahe marikurib di !â tama hâ, xawen khoese ǀawa!namn hîa !khōsis !nâ ge ūhe hâ ina, ǁîn ǁnâu!gâdi di ǀams ai !khōsisa xu ge ǁnāxūhe !khaisa,” tis ge ge mî. ǂOa ge ǁkhâb !nâb ge ǂGanaga !Hū!nāsi ǁHōn, !Hūba xu ǂoa tsî ǂGâxas, !Norasasib tsî ǁAwosasib ministeri, Albert Kawanaba ge mî hâ i, ǀawa!namn di !ereamxasib ǂkhawadī-aona !khōsis !nâ ūs ai hâ tsî ǁînan ǂkhawadī-ao kai ti ǂâibasen tama hâ ti. Ministeri ge ǀasa ǀawa!namn beros di ǂhanusi ǁkhowa-ams tawa Tutaleni ǁanǁguib hîa !Gomenǁgams !nâ ǂnôas dis tawa nēsa gere mî.