New Era Newspaper

New Era Epaper
Icon Collap
...
Home / Kuzuguma vakeke yina pumbwa makanderero 

Kuzuguma vakeke yina pumbwa makanderero 

2024-05-23  Eveline de Klerk

Kuzuguma vakeke yina pumbwa makanderero 

WalvisBay- mugara ogu kagwene mukeke gomakwedi 16 momapeu kagapwire monongura kono dune moNarraville katente asi age kazimutumine mpepo zokupongoka. ‘’ Ame kavatuninenge kodune nositambo, ‘’ yimo ana kutanta Meruune Tutjavi, murugani gopomaholi ogu kagwene mukeke gwina gomukadona age vana musigi modune ozina , Wilhelmina Ndapewa Abed wonomvhura 24. 

Mokuhuyunga usili, navenye vaporosi novarugani vehungo mwenyo kavatente asi mukeke ogu ana wapa nomuvana kumutekura, age ngesi mweli mosipangero sepangero. 

Tutjavi kazire kodune momapeu ngurangiura akalivatereko makuara kumwe nokuzuvha ezwi lina kutunda modune. 

Makura age nare anadiva asi eli ezwi lyomukeke. Makura tahedako kodune, makura kamwene asi panakara nguhwo ntani kuna kuligumagura makura tahedako.

 Makura kumwe nokudimburura asi ogu ntudi mukeke. Kapi nye kanigwene nomora zovaporosi, makura yiyo nye kanibelele muharwa gwange, ogu nye kaperenge nomora. Simpe nahana kuyipura, yimo ngoso ana kutanta. 

Mugara gumwe yiyo kayalipakerere nage vatare asi sili mukeke. ‘’ Makura mugara ogo yiyo nye kazire kovaporosi siruwo oso ame kuna kundindira poopo pomukeke. 

Nye kayimonekere nawa asi mukeke ogo simpe muzuni. 

Ngapi ngapi muntu norugana yininke yokufana ngesi? Ame kuna kuyimona asi ngano munona ogu kuna mupengepo tupu, nampili ngomu nina kara asi kwato nawa nawa yiwizamo. 

Age kuna kuhundira vaNamibia asi vahamutara mukadi ogu momudona nye vahepa kumukanderera udigu unene kurera mukeke nyovelike. ‘’ Name nakerepo nahana kurugana, kwakere nye siruwo sosidigu kwange. 

Nahana kludiva asi kupi nanimvhura kurara, yinke yokulya, nampili ypokurera nye vanona nayo pwarumwe kuvhura yikuninkise oture etokoro lyedona. Posiruwo oso muhunmgilipo vaporosi moErongo, Ileni Shapumba mosondaha katente asi kapi simpe yina zere asi ozina womukeke ogu yinke kavagazarere, morwa sinke kakere negano asi asige mukeke ogu kevango lina lyodune. Shapumba katente asi mukeke gona ogu kakere ana zere, ogu ana kara hena asi vana mudwareke nawa nawa. 

‘’ Omu ana kumoneka hawe muwaawa, ogu ana kumoneka hena asi kiumutekura nawa. 

Age kavamutulire moguhwo zokugenyeka, nokuturako mudwaro gokohi gumwe hena. Kapi kakere noyironda nkenye, ntani kwato mbapira nkenye kakere nazo, yimo ana kugwedako. Mukeke ogu ngesi kweli nye kembo limwe oku vana kumutekura. P

osiruwo oso, age Abed ogu kavakwete vaporosi momapeu konyima tupu kokaruwogona apa vana kugwana mukeke gwendi, age nkera kakamonekere kompanguro. 

Age kuna mutamba nye kuzumba munona kupitira nye moveta zomukeke vatura vomu navamukeverera. Abed takara mononkwate siruwo esi, ano sipangura sendi vana sirundurura dogoro mokwedi kwaPembagona 18, omu makona kono gana kutwima. –edeklerk@nepc.com.na 


2024-05-23  Eveline de Klerk

Share on social media