ONGWEDIVA – Muzamaisi walitaba zaliñolisa mwalikolo la mabasi Collens Muleke, ubulela kuli makadi abuizibahazo alikana 44 000, asabulukilwe kwalikolo bakeñisa kuli bañi baona habasikayo anga. Naize kibutata bobutuna likolo litalimana nibona. Nabulezi zeo kanako yakukwalula ofesi yaliñolisa la sipepo kwa sipatela sa Medi Park mwa Ongwediva. Nahatelezi kuli likolo lisinyehelwa masheleñi amañata kuhatisa makadi ao, kono batu habayi kuyo anga. 

“Masheleñi alusebelisa kuhatisa makadi ao nakasebeliswa kueza zisili, sina kuyaha ofesi yenca yalikolo,” nabulezi. Naize ofesi ya sikiliti ina ni makadi amañata mi buñata bwa ona kiabatu babapila mwalibaka zamatakanyani. “Bubotana ni misipili yemitelele kutaha kwaofesi yamabasi kiyeñwi yamabaka atisa kuli batu balyehe kutonga makadi abona,”
nabulezi. 

Kacwalo nakupile batu kulemusanga likolo kuli babata kuyongela kadi yabona kai. Nabulezi hape kuli baeza lingambolo ni bayemeli balilalanda kuli batu bano shimbelanga makadi abona kwaliofesi zeo. Nakupile hape batu kuno ñolisa banababona kabunako.

Makadi abuizibahzo.... Makadi abuizibahazo afitelela N$44 000 hasikayongiwa. Siswaniso: Neuzwi