Likolo la Litaba za Mabasi, Miseto, Buiketo, ni Silelezo neli file mapampili asipepo alikana 92 330 unumwaha kwa miyaho ye inelezi niya swalelele, Mubakweli Likwambuyu Lucia Witbooi nabulezi Labulalu. Witbooi nasupile butokwa bwa kuñolisa sipepo, mi naize kitukelo yamutu mi itahisa zibahazo ya simubuso ya mwanana, yeo kanitifazo yabuyahi bwa naha kiya butokwa kufumana liswanelo zecwale ka tuto, makete ni silelezo mwahala sicaba.

Naekelize kuli liñolisa zasipepo lifa mañusa abutokwa atusa mwakulela famayemo anaha ni lifasi. Kuekeza fo likolo liyanduluzi lisebelezo za liñolisa zasipepo ni mafu zakusebelisa zibo kufa litemuso kaku ekeza liketalizoho, mi zepeli lika ekezwa silimo sisi kafela kale.

Katutala likolo lina ni lisebeliso za zibo zelikana 106 zenungahanyizwe kwakufa litemuso zasipepo, ni ze 128 zenungahanyizwe kwakufa litemuso zamafu. Kalulo yeo ika konisa sicaba kufumana lisebelezo zasicaba kabunolo,” nekubulezi Witbooi. Mubakweli likwambuyu nabulezi hape kuli likolo lizwelapili kufa lisebelezo za makadi abuizibahazo, mi makadi a 116 354 nahatisizwe unumwaha. “Nihakulicwalo, likolo lina ni makadi alikana 33 168 asikangiwa. Kikalibaka leo likolo lisusueza batu babasika shimba kale makadi abona kueza cwalo,” nabulezi.

Likolo hape neli ezize hande hala puluko ya lipiho zamanyalo akale, kuzwa fa 53 889 kutaha fa 38 545 kukala la 24 Njimwana 2023. Mwanako yeswana likolo neli kutiselize fafasi puluko ya lipiho zafamu kuizwisa fa 62 563 kuitisa fa 55 578. Witbooi naize ao neli manyalo ni mafu ayo zwelela naha isika lukuluha kale. -Nampa