Musizana nazusizwe kwasikolo sa buoki mwa Oshikango Lamubulo, kasamulaho maswaniso ahae ane aile ñuwa nangilwe kuba amaswe kisikolo. Hana bulela ni New Era musizana walilimo zelishumi kazelobañwi, Maria Edward naize nalelekilwe kwa sikolo sa baoki sa Alba Chipamba hala maswaniso (video) asweli kuikabelwa famakepe asicaba.

Mwamaswaniso musizana yana tinile mwasiapalo sabuoki, na inzi mwamotikala, asweli kubina pina, asweli komoki mone kuna ni sino samubala omufubelu bobunsu. Edward ubulela kuli nagile video yeo mwakweli ya Yowa mi saikabela yona ni muzwale wahae. Neli lizazi laka lapili kwasikolo, kacwalo neni tabile hahulu mi nenibata kubasupeza kuli kele nifumana sikolo. Neni sazibi milao yabaoki konji lizazi leli tatama… senikupa muzwale waka kuli asike aikabela maswaniso ao ni batu,” nabulezi.

Kono cwalecwale, muzwale wahae naikabezi maswaniso ao ni mulikana ‘hae ili yana abeile famakepe asicaba. Asazibi zene ezahezi musizana ubulela kuli nalemusizwe feela zamaswaniso ao kanako yamukopano wakumuzekisa. Naize bane bamuzekisa nebasika teleza kwabuikalabelo bwahae, mi bamubea mulatu wakuli nakozwi hane atepa maswaniso ao. Sikolo kwakena nebasika hanyeza kapa kulumela kuli nazusizwe sikolo mi nebabulezi feela kuli kitaba yasikolo. Sibuabui wakatengo ka Nanso Dorthea Nangolo naize bakayemela Edward.