Ovaua Kuaima

minda tjiva vyOvaherero ngu varwa otjOmbara Otjitambi, Onongo Mutjinde Katjiua, ma tja omunwe kohaṋi yOvaherero kau na ku urika kwarwe pendje na mohoromende kaparukaze. 

Potjitjitwa tjomazemburukiro wombura aihe pOtoasisa mOkarukondwa kOmatoororero ka Mongua mOrukondwa rwa Maheke Osondaha, Katjiua wa tjere ohoromende i toroka ozoveta navi mokuzemburuka omauhonapare wombazu wokombanda ya umwe vomuhoko umwe. Otja kuye mburi otjiwonga tjohaṋi mokati kotjiawaṋa tjOvaherero. “Ovaherero Traditioonal Authority (OTA) (Ouhonapare wOmbazu wOvaherero) ombu ri auyerike oukuramenepo wOvaherero avehe otja kozoveta za Namibia, posi ya ohoromende i vanga okuhaṋa ovandu,” komurungu wa yauza kutja. 

“Konoo kara nouhonapare wombazu wOvaherero tjazumba wina o kara nozondjuwo zouvara okukuramenapo ozonganda pekepeke otjomauhonapare wombazu ngunda owo avehe ave wira kehi yomuhoko umwe wOvaherero,” 

Itji otja kuye omatorokero woposyo poo omaungurisiro omavi wozoveta za Namibia, “mena rokutja mave vanga okutjita ongahukiro kutja Ovaherero ve haṋike.” “Matu ungurire Ovaherero avehe. OtjOmuherero, nandarire kutja mokondjo okutuṱizira kehi, ombwiro yomuhoko mbwi na wina yotutanga two ruyaveze turi momake 

wOvaherero Traditional Authority (OTA) (Ouhonapare wOmbazu wOvaherero).”