Mape ya ozondekurona ozengi novaÞisiwa oruhoze noveveÞire ondjenda mave munu kutja omayuva wEyuva rOmazemburukiro wOtjiÞiro Otjindjandja ngunda yeri kokure kaye ya susupara.

Katjiperi! Omayuva okuza kundino ndi ku no'mayuva omirongo vivari na rimwe uriri (21) okuyenda komayuva tji ye ri 28 ku Kambundu, ndiri eyuva nda kekwa Otjeyuva Romazemburukiro wOtjiÞiro Otjindjandja tjOvaherero, Ovambanderu nOvakwena. Otja kombepo ndja hitisiwa mOmbongarero yOtjiwaøa i yomuhaame muyo oruveze ndwo wOswanu ya Namibia, Usutuiije Maamberua mo 2016, tji ya ri 26 ku Ngarano. Okuzambo ondjuwo yozoveta ndji pu ya hinda oruhindo rovahaame vayo vOkomiti yOngunÿeveta nOvitjitwa Vyoveta. 

Oyo ndja wonga oumune wotjiwaøa atjihe mouparanga wehi tjazumba ai yandja orapota yayo kOmbongarero yOtjiwaøa oyo ndja yakura orapota ndji. Nambano tji tja sewa ko uriri Operesidenda yEhi okutwa ko omunue kembo.

Tji za ha kayenene nOperesidenda Nangolo Mbumba, omueze mbwa zuko, yari imwe yomutjemo wo zombara neningira kutja nambano eye opuwo ma twa ko omunwe kembo keyuva ndi noro ritjiukisiwe kotjiveta. Mehungi re otjomuhungire weyuva pomazemburukiro weyuva ndi ombura ndja zuko, Maamberua wa tja: ™Ma rire otjihorera otjivi Ombongarero yOtjiwaøa okuriyata mozondambo nokuyaruka ombunda nondyero yayo mena romutjemo mbwa yetwa kombundo' mbura i yorupa rumwe rotjiwaøa.∫ 

Ozondekurona tjiva zOvaherero nOvakwena kehi yehika rovanane vombazu vOngwena, nOuhonapare wOmbazu wOvaherero kehi yOnongo Mutjinde Katjiua Otjombara Otjitambi, ze vanga kutja eyuva ndi ri rire omayuva tji ye ri 12 ku Kozonjanga. Ndiri eyuva rotjiÞiro tjOvakwena mOhoornkranz mo 1893. Ngunda 28 ku Kambundu mo 1908, ari ri eyuva otjihoromende tjohuurire yOvandoitji tji tja raa kutja otumbo twombonÿi tu patwe kotjiveta. Otumbo twomapando wOvaherero, Ovambanderu nOvakwena wina na varwe. 

Mongono yohoromende okutjiukisa eyuva ndi kotjiveta otjeyuva Romazemburukiro wOtjiÞiro Otjindjandja, ozondekurona tjiva otji za tya kutja ozo okuza mba eyuva ndi maze rizemburuka ombura aihe ohoromende ngai ve vaze mondjira. Ozombara wina tji za ha kayenene na Mbumba  omueze mbwa zuko, otji ze mu øangere ko ma zemburukiro waro.