Festus Hamalwa

Okaana keedula 16 oka kwatwa onghonga komulumenhu wambulavo Omaandaxa mokati koufiku potundi 01:00 komukunda Okashipu moshikandjohoololo shaKalongo moshitukulwa shaMusati.

Nakulongelwa oushada okakadona komondodo onhihetatu.Omupedu commissioner wopolifi moshitukulwa shaMusati Moses Simaho okwa hokolola ta ti omufekelwa okwa ya konduda yokaana efimbo loufiku ndele ta tameke okupendula okaana meemofi nokukakufa monduda yako omu kwa li ka nangala.

Omufekelwa okwa tameka okutataa okaana va u ka moixwa ekwete ombele ta ningile okaana omatilifo kutya ote ka dipaa.Simaho okwa ti eshi va fika moixwa omufekelwa okwa kwatwa okaana ndele tai na ko moixulo keenghono.

Vati konima eshi a ya moixulo nokaana, omufekelwa okwa kufa okaana ndele tava shuna meumbo. Vati eshi va fika meumbo omufekelwa okwa twala okaana konduda yaye omo natango a kaya natango moixulo nako. Opolifi oya ti omufekelwa nookadona oohadi meumbo limwe, ashike okwa didilikwa e hole okulivakela konduda yokaana efimbo loufiku.

Okaana oka twalwa koshipangelo opo ka kaningilwe omakonakono opaunamiti keendokotola. Simaho okwa ti omufekelwa okwa faduka po auka poushiindalongo Angola konima eshi a okaana ka lombwela ovaneumbo kutya okakwatwa
onghonga.

Simaho okwa ti otai indile moshiwana kwau e na ouyelele a pa pena omufekelwa opo oshiwana shi kale sha lopotela opolifi keshe ili popepi. Okwa ti omakonakono opolifi ota twikile.

– fhamalwa@nepc.com.na