Omushikingalo Immanuel Ndume a shivika nawa Ndawana okwa a nyenwa e li futile mo modolongo konima eshi a patululilwa oshibofa shoku longifa nai omudjalo detanga leameno. 

Ndume okwa holoka momhangulilo yaMangestalata mOshakati Etivali. 

Oshibofa shaye osha undulilwa komafiku 11 Mei neudo omanga ta ku ningwa omakonakono elixwa po. 

Omupopiliko mounisteli wetanga loNamibian Defence Force (NDF), Petrus Shilumbu okwa koleka oshikumungu eshi. 

Okwa hokolola ta ti Ndawana okwa kwatwa po oshivike sha dja ko mOndangwa konima eshi va ti a hangika nondjebo, eeholo omuwoi, omudjalo wetanga leamano noshoyo oihako yondodo youcaptain. Ndawana va ti okwa li ha longele etanga leameno okudja omudo 2014, ashike okwa fiya po oilonga momudo 2016. Otashi ulike kutya omulumenhu ou okwa fa ina yandja omidjalo odo a li a pewa koNDF eshi a fiya po oilonga. 

Va ti Ndawana okwa kala ta longifa omudjalo oo papuko eshi a kala alushe oo ha djala ngeenge tai koindingili yokushika eengalo ye te li faneke nao ouvdivo ta tula koTik Tok ta ndanisa. Kakele keendanisa noTik Tok, Ndawana vati ohai noihako yoranka captain meendingosho ta ulikile ovanhu kutya ye oku na oranka ya kula moNDF. Shilumbu okwa ti Ndawana okwa kwatwa po shaashi okwa tauluka okatendo kotete komomudo 2002 ke li koshi youministeli weameno. 

fhamalwa@nepc.com.na