Omupopiliko wopolifi moshitukukulwa shaHardp inspector Linea Heita okwa ti oumbudi woimuna owa londa unene moshitukulwa shaHardap.

Heita okwati moshitukulwa omuna ovanhu tava va ke po oimuna yovanhu.

Okwa ti unene tuu oikombo, eengobe needi odo dimwe da ninga oihakanwa yokuvakwa po kovanhu.

Edi inspector Heita okwe di popya Etivali eshi a ninga eenghundafana naKundana  okwa ti ovanhu konima ngeenge va vaka po oimuna ohave i dipayele moixwa ndele tava kupulashi oikafa nomitwe doikombo. Okwa popya ta ti unene tuu oikafa yoikomba needi oyo imwe hai li tuwa moixwa yakupulwashi. Okwa ti unene tuu eefaalama edi dadingilila odoolopa yaMariental odo dimwe dadidilikwa dina omwaalu muhapu woimuna tai va kwa po.

“Oimuna imwe oha shingwa po ndele ovanhu tava ka tula meefaalama davo, omanga vamwe ohava kalandifa oimuna keenhele dokomakule konima ngeenge ei londeke motuwa yaye,” Heita. Okwa ti ovanhu ohave u ya kopolifi veli momwaalu muhapu tava nyenyeta oimuna yavakwa po koolyamupombo. Okwa ti fiyo opaapa opolifi ina i kwata po omunhu a vaka oshimuna shaashi opolifi oya li kukonga ngeenge ya lopotelwa ndele iha i shipondola okukwata po ovafekelwa. “Ovanafaalama vamwe ove hole okulopotela opolifi kwalata ngeenge oimuna yavo ya vakwa po, naashi ohashi kala shidjuu kopolifi opo i kale yakwata po ovafekwelwa avo,” Heita ta ti. Okwa ti opolifi yomoshitukulwa oya kala nokuninga oikonga yokuyandja ouyelele koshiwana nghee shina okutonatela oimuna ya sho, ashike oumbudi woimuna onghee tau twikile wau ka pombada. Okwa kunghulila oshiwana opo shi kale tashi tonatele oimuna ya sho efimbo keshe, nokukala tashi yandje oilonga kovatonateli voimuna yavo ovalinekelwa.

“Oshiwana na shi kale tashi longele kumwe mokukondjifa oumbudi woimuna, omunhu keshe ta ka monika a londeka oimuna motuwa yaye na kale a lopotwa kopolifi opo a ningilwe omapulapolo,” Heita ta ti. – fhamalwa@nepc.com.na