Oshiwana shomoshitunda shaUukolonkadhi ota shi hokolola elenga linene Chief Daniel Shooya kutya omuleli kwa li ehe hole ovanhu tava fi ondjala moshitunda shaye.

Chief Shooya okwa xulifa momafiku 31 October 2024 keumbo laye komukunda Oshika moshikandjohoololo shaNesi.

Okwa xulifa mepupi lomido 101.

Shooya okwa wilika oshitunda shaUukolonkadhi okudja omudo 1985.

Oshiwana osha hokolola noluhodi tashi ti Shooya okwe va fila oluhepo.

Shooya okwa tunga omaanda 10 oilya moshitunda shaye.

Omaanda okwa nunimwa ovanhu ve li momhumbwe yoikulya.

Elenga Malakia Shoombe ou  e li ta kwafele ponhele yaShooya okwa hokolola ta ti ova kanifa omulumenhu omunambili noku na elongelokumwe.

“Shooya ka kwa li e na okatongo. Okwa li alushe a popi ta ti okwa hala ovanhu aveshe moshitunda shaye va pewa oikulya,” ta ti.

Kansela woshikandjohoololo shaNesi Festus Simon okwa  hokolola ta ti Chief Shooya okwa li ena elongelokumwe nombelewa ya okukondjifa ondjala.

“Otwa kala mekwatafano liwa okukwafela oshiwana ta shi dengwa kondjala,” kansela ta ti.

Shooya okwa fiya po omukulukadi waye nounona 10.

Omalongekido epako laye oku li metifa.

-fhamalwa@nepc.com.na