Lahja Nashuuta

Omupopiliko gwehangano lyo-MTC, ngoka e li wo omukwatelikomeho gwoshikondo shomahwahwameko nomayambidhidho John Ekongo ota kunkilile aakwashigwana opo ya kale uupathi nokukotokela ookalyamupombo pethimbo lyomatango omanene.

Ekongo momushangwa ngono a tumine kiikundaneki, okwa li a kunkilile aakwashiwana opo yaa ye moonkundathana naantu kaaye ya shi nokugandja omawukwatya nomauthemba gawo momakwatathano gopangodhi koonankali yokegulu.

Ekongo ta fatulula wo kutya ookalyongo pomatango omanene ohaya longitha omikalo odhindji okukengela aakwashigwana noku ya yuna omaliko gawo.

Ta yelitha wo kutya olundji ookalyamupombo ohaya dhengele aantu taye ya lombwele kutya oya sindana iimaliwa noya pumbwa okugandja omaukwatya gawo goombaanga, nenge iipatululitho yawo yokukutha ko iimaliwa.

“Kehe etulwalaka tali ya kogondhi nenge ko-email tali ti kutya owa sindana shike shike, owa pumbwa oku li togonona omolwaashoka otashi vulika shi kale oombotsotso,” Ekongo ta fatulula ngaka.

Ta indile wo mbono taye ki iyadha ya ningwa iihakanwa opo ya ninge ekwatathano no polisi ndjono yili po po pi. Moomwedhi dha ka pita ominista yomakwathano nomatumomawi mombepo Emma Theofelus, okwa li wa tseyithile omutumba gwopashiwana kutya oshilongo oshi li sha ponokelwa kookalyamupombo yopamalungula. Tawu tseyitha nokuli kutya konyala aantu ye vulithe omiliyona oya li ya ningi iihakanwa yookalyamupombo. Ta ti oyendji yomuyo aakulupe nasho wo aanapolitika.

Ta tsikile kutya aantu oyendji oya kengelelwa okupitila momatumwalaka okupitila moongodhi, opelesenda 30 oya li ya ngengelelwa mokupitila mokudhengelwa ongodhi nokutulwa mokatoo opo ya gandje omauthemba gawo ngoombanga , opelesenda 20 oku pitila eeEmail nokomalungula omanga opelesenda 24 yali yakengelewa omanga taya kambadhala oku landa iinima komalungula. -lnashuuta@nepc.com