Zebald Ngaruka 

Otjombinde- kansela ogu ana karamo ngesi momukunda horowero gwaOtjombinde Wnzel Kavaka tasikama hena ngesi rwauvalli omu nakakara kandindate gwaSWAPO momahoroworo gana kuwiza goukansela ntani ndango zonodoropa aga gana kukakarako mwa Mangundu mvhura zeezi. 

Mugwanekedi gombunga zaSWAPO moOtjombinde Tjovavi Tjituka kayinkondopekere kosayitunga zaNew Era asi Kavaka kavamutumbwire omu kakere gelike kutupu ogu kahere kumurwanesa age ngesi gelike ana sikama pevango olyo. Nokugwedako asi nomutayi dawo nadinye hambondatu kavamutumbwi re gel ike ano ngesi awo yigenye vana kukakwatesako. ‘’ Mufumadekwa kansela takatengwiramo morwa age muntu arugana unene. 

Yilyo yombunga zaSWAPO ntani vamwe wonombunga peke nawo kuna kungambipara yirugana yoyiwa eyi garugana momukunda Otjombinde. Age ngesi kuna kara noudivi mosirugana esi ntani age ta katwi kira kurugana aruganene mukunda horowero gwendi,’’ yimo ana kutanta. Tjituka simpe kahundilire vahameni wombunga zendi asi vahepa kuliwapayikira asi vakare noyikarata eyi navakaruganesa vakahorowore momahorowo ga na kukakarako mwaMangundu. ‘’ Wahepa kurugana youhunga mokukahorowora kamarada Kavaka. Age kuna kara gumwe varetera moomu momukunda horowero ogu. 

Age simpe takatwikira mokutwara ekuliko komeho, morwa age gadiva asi yinke nompumbwe detu, yimo ana kuhuyunga ngoso mukwatakanesi gwaSWAPO momukunda gwina. Kavaka kageve ruhafo rwendi omu ana kutanta asi age kuna kumukwatesako nombunga politika nadinye edi dakara moOtjombinde. 

‘’ Ame kuna kugava nonkango dage doruhafo kombunga zaSWAPO nonompitisili detu -omu yina kara asi kutunda ketateko dogoro konondandani dogoro pontambo zomukunda dogoro hena pontambo zosirongo omu vana huguvarange nehuguvaro nalinye vana tura mwange. Age kuna kulizuvha mfumwa kweyi munarugana mokutamburange asi kandindate, omu naklupira kuyitambura noureru,’’ yimo ana kutanta. 

Kans e la katente as i yokumutumbura gelike kapi yina kara asi morwa yige gelike, nye morwa kwakara asi awo kuruganena kumwe mositumbukira esi vanamupe. Nokutumbwidira asi age takatwikira mokukatura elikuliko lize komeho, mpora newogo lisike kovatungimo womoOtjombinde. ‘’ Mokuruganena kumwe ose twapita nondambo dononzi monomvhura edi dina piti ntano eyi yina kara asi kapisi ureru, nye ose twayisikisamo nositambo mokuza komeho, yimo ana kutanta. Yimwe eyi yahoroka mokukwama ekuliko lyomukunda, matungo, kukgwana mbatero kweyi yokuruganesa kukwagana mbatero kovanafarama ntani vadinkantu. ‘’ Ose tuna turapo etateko nye simpe ure tuna kara mokusikisamo nzodi zetu. Yipo asi ame kuna kuhundira tuzzeni komeho mokulikwatesako ntani kapi yina kara asi yange nyamelike nye yetu natuvenye. Kavaka katente asi mbunga zaSWAPO kuna kara ezi vana huguvara, mpora ntani kureta ekulikmo moNamibia. 

‘’Apa nye tu n a kus ika momahoroworo gomoMangundu 2025. Ame kuna kuhundira vahameni navenye vaSWAPO momukunda asi natuvenye twatunga moOtjombinde tulikwate kumwe. Tulipakerereni kumwe mombunga zetu zaSWAPO. Twahepa kuhuyunga nezwi limwe tupu omu natukara asi twahepa kukara Otjombinde zikare zaSWAPO. 

Age kuna kuhundira turugane unene tunda embo zende embo, zende mukunda tunda mukunda. Nkenye oku tuna kuza twahepa kugava mbudi zekuliko. 

‘’ Ame kuna kumutumbwidira asi tani karugana moomu navhulir, nkenye yimwe ngani karugana mwahepa kuyidiva, mbunga zetu kwakara zanatuvenye. 

Otjombinde mukunda horowero gwaSWAPO. Tuzeni komeho, nelikwatakano nositambo asi tatukafunda mahoroworo aga, yimo ana kutanta Kavaka