KATIMA MULILO – Meya wa tolopo ya Katima Mulilo John Ntemwa ubulela kuli katengo katolopo kasweli kusebeza kata kutisa zwelopili niha kasweli kunyazwa famakepe asicaba. Nabulelezi babihi ba makande Labubeli. Naize nabizize babihi ba makande kakulatelel mulao wabu 11 (5) (a) kusisa (e) ozamaisa katengo katolopo wa silimo sa 1992 kulemusa, kukenisa ni kupatalaza litaba ze ama sicaba, hala zeo kamaiso ya busupa ya katengo katolopo ya Katima Mulilo ne ezize.

Kwanda zeo na alabela hape kwa likakalezo kuzwelela ku likwambuyu wa zwelopili ya libaka zalitolopo ni matakanyani James Sankwasa hala katengo katolopo. Kwanda kulifa sikoloti sa NamWater sene silikana bolule ba mashumi asilelezi kababane (N$64 million) mwa silimo sa 2021/2022, Ntemwa nabulezi hala likezo zeñwi za zwelopili. Naize katengo katolopo ya Katima Mulilo neka yahile mukwakwa olikana bima wa likululu la Lifasi kakusebelisa masheleñi akatengo katolopo, ili kalulo yene imuluzi kuli likululu la Hage Geingob lisike lino yema mezi. 

 Nabulezi hape kuli katengo katolopo neka keni mwalitumelelano ni tutengo totuñwi kungelela cwalo ni katengo kakabona zakuyaha mikwakwa mwanaha ili kakazibahala ka Roads Authority, kutusa kuyaha mikwakwa yelobañwi mwatolopo.

“Yeñwi ya litumelelanp kikuyaha simela sesi sefa zemaswe kwa sikolo sa lituto zepahami sa Unam, kamasheleñi azwelela kwa panka ya KfW. Kalulo ya bubeli ki kuyaha simela sesi sefa zemasila sa tolopo ya Katima Mulilo ni kuzusulula minshini yehoha zemasila katuso ya masheleñi kuzwelela kwa baneuli ni mubuso,” nabulezi.

Naize hala kalulo yeo masheleñi alikana bolule bamyanda yemine kabamashumi alobañwi (N$491 million) afumanehile kuzwelela kwa mubuso kuli simela sesi sefa zemaswe siyahiwe mwa likalulo zetalu. Kungelela cwalo ni kuyandulula zepompa zemasila zemashumi amabeli kazene mwatolopo. Kuswanisa ni kufungula kuyaha kupetilwe mi kuyaha kukakala mwa kweli ya Muyana 2025. Naize zeo kaufela liezizwe nihakubonahala kuli katengo katolopo katalimana ni matata abalwa, kungelela cwalo ni tiyeho yakunyatela lika kuzwelela kwa likolo kukala silimo sa 2016. -Nampa