KATIMA MULILO – Katengo katolopo ya Katima Mulilo kalilimanisize muzamaisi wa kona wa litaba za mulao, silikani ni lisebelezo za katengo, Patrick Lifasi Lilungwe. 

Mwa liñolo lene lipatalalizwe Lasunda ki sibuabui wa katengo katolopo, Chrispin Muyoba, nekutaluswa kuli kulilimaniswa neku kalile la 10 Njimwana, kulatelela kalulo ya mulao ya bu 29(6)(b) Ozamaisa Katengo Katolopo.

Liñolo neli talusa kuli Lilungwe hakuna za swanela kueza ze ngunganywa kwa musebezi wa hae kwa Katengo Katolopo ya Katima Mulilo kanako ya kulilimaniswa.

Lisepisa hape bayahi batolopo kuli musebezi wana eza hauna kuyema mi ukafiwa kuyomuñwi kuli azwelepili. Mabaka ane atisize kuli alilimaniswe nasika patalazwa.

“Katengo katolopo kasiala kaitamile kuzwisezapata kamaiso sakata, buikalabelo nikutokwa likunutu mwa musebelezo wakona.”

Kulimaniswa kwa Lilungwe ki kwa bubeli kwa bazamaisi babahulu kwa katengo katolopo, kulatelela kulilimaniswa kwa muzamaisi wa katengo katolopo Raphael Liswaniso yana lilimanisizwe la 28 Yenda.