Ape kombunda’ mbura okuza indi nganda a rwa sekamene mu Tjikukutu ombura ndja zuko, orutjindo rwa Puikiro Oroviungura nda zuko otji rwa vazere mu Kambingombe.

Ombura ndja zuko mu Tjikukutu Ombara Turimuro Hoveka otja womborora orutjindo indwi romazemburukiro wozombura esere rookaviṱondema, mbe ri imba mba hupa kOtjiṱiro Otjindjandja. 

Ku za ovengi mba isanewa nungwari ouṱiṱi mba toororwa posi ya otjikando hi yari kutja ovengi omba isanenue nu tjingetjo arire mba toororerwe tjinga otjiwaṋa atja yere motjivarero tjomurya nandarire momatokero pekepeke. Tjimuna indwi orutjindo oruni ro 1924, tjingetjo omazemburukiro nga yari nomatokero omengi tjiva vawo ngaaye munika kutja owo wina tjimuna Ocenorenda okuhino’okukuta otjitjitwa hi korutjeno rwayo. 

Ndjari ongondjero onene. Ngunda ovitjitwa avya utire Oritjavari orutjeno rwa kamunikire ape Oritjatano uriri komurungu wa Roviungura ndari orini rotjitjitwa ho tjokupata otja korutuu rovitjitwa rokotjiveta. 

Otjihimise kutja ndoovazu otjitjitwa hi aatji tjiukwa itji tja tjiukwa okuza kombura ndja zuko mu Tjikuku nu nai Otjikukutu wombura yarwe, ndji ri ombura aihe ombomba, mape ya vi kutja Ocenorenda kaya ri nondjiviro yokutja mai sokuhondja orutjeno rwayo komazemburukiro nga?

Ngunda ape ri nai pari nozonganda pekepeke nḓa katjiukisire oviṋa vyazo kotjiwaṋa mu mu norupa rovitjitwa vyomoukoto wehi rOministeri yOvitjitwa Vyomoukoto Wehi, Ovahite Vomehi Nondjeverero. Oyo ndja ṋangerwe i yovasembamise okutwara oviungura vyayo popezu notjiwaṋa tjimuna okukayandja omauru wozondjiukiro nouhatoi wozongwatero. 

Posi ya ngu ma kuzu omauhonapare wohoromende mEpukiro aye hara okukuramena otjiṋa hi momurungu. Kutja omena ratjike ootjikumise tji tja ura ombanḓe tji tji heewa.

Tjiva mba hara okuronda metemba indi wina ndjirakati ave tukire pehi. 

Posi ya tjandje oro ra kayenda kari nomatjayerero otja tji ra kayenda kutja Oroviungura nda zuko ri ye kuvaza mu Kambingombe otja tji rua vazere. Kutja omakuruhungi otja tji ya tjitirwe ozombura esere nḓa kapita, ye tjitwe rukwao onganda ya Tjimana nozongwao ozoheṋendu zOvambanderu nOvaherero ze zemburuke ozombura esere zorutjindo rwazo rwa Pukiro.