KATIMA MULILO – Mwa munzi okuzize wa Makanga mwa sikiliti sa Zambezi, Bupilo Dihutu walilimo zemashumi amalalu uñola likepe le linca la tundamo. Sapili na ikuhumusa kakuba lisole mwa sisole sa naha Namibia, kono kasilimo sa 2017 bupilo bwa mufetuhela hato swalelwa butuku bwa mbingwa, ili taba yene tisize kuli asiye musebezi. La kachenu Dihutu hasali lisole kono mulwaneli walitukelo za hae.

Uitama kuyaha bupilo bwa hae ka kuituta. Dihutu ki muuna yana ni tata, kakuba lisole nasebeza katata kono lika zakala kucinca hakala kuutwa kuomelela kwa mazoho ni mautu, mi akala kulemuha kuli kuna ni se si fosahezi. Akala kumela litombo fa mubili sihulu hali mwa lizazi. Kungungeka lisipi zibo yana cilaukilo kuyona kwa ba butata.

“Ho utwa kucisa, litombo lizwelapili kuhula,” Dihutu ahupula. Nenili mungungeki yomunde walisipi kono cwale ne nina ni kutuhela musebezi one ni tabela kueza,” abulela. Kasilimo sa 2017 liñaka za sipatela za nyatela taba yana sika itekela yakuli ukula butuku bwa mbingwa. Lika za cinca onafo. Mwa silimo sa 2019, atuheliswa musebezi mwa sisole kasamulaho akusebeza lilimo zetalu.

“Seniya kwa ñaka ya makete ya kwamukunda ili yene ilo ni taluseza kuli nina ni mbingwa. Sani eleza kuli niye kwa sipatela sa mubuso, teñi nebailo ni beya fa milyani ya silimo silisiñwi. Neni nwile milyani likweli zepeli fela, mi nasiya. Neni hupula kuli mwendi kibutu busili, kacwalo naya kuñaka wa sizo, kono butuku bwa tepelela. Mi bwa ni tiseza buhole kwa lizoho,” neku kandekile Dihutu.

Aiketela kukutela kwa sipatela mi ayo beiwa hape fa likalafo, ili za kafeza kweli ye ya Lungu. Kubabañwi kukula mbingwa ikona kuba mafelo, kono Dihutu ñohola aiketela kuiñolisa kwa Namcol kuli acimbule linepo za hae za sitopa sa 12. Mulelo wahae kikuli aye kwa lituto za buoki kuli akone kutusa babañwi kulwanisa butuku bwa mbingwa.