SALAMBALA – Likolozepelizefumaneha mwalibaka zamatakanyani ili Liswani III mwa silalanda sa Katima Mulilo ya matakanyani, ni Impalila mwa silalanda sa Kabbe ya Mbowela neli fumani makilasi amane sesiñwi ni sesiñwi, hamoho cwalo ni muzuzu wakubulukela libyana, kakuba neulo yezwelela kwanaha Japani. 

Makilasi ane ayahilwe kwa sikolo sa Liswani III nakwaluzwi simubuso Labulalu mi nayahilwe kasinyehelo yelikana lule ni likiti ze myandaye milalu (N$1.3 million). Hane ili akwasikolo sa Impalila ane ayahilwe kateko yeswana ona natambekilwe sibumuso Labune. 

Hane abulela kanako yakukwalula makilasi simubuso Kwa sikololo sa Liswani III ndumeleti wanaha Japan mwanaha Namibia, Shinichi Asazuma, nanyatezi kuli naha yahae ikumalaezi kutusa naha Namibia hala tuto, mi naize tuto isiyala kuba taba yabutokwa mwakutahisa zwelopili. 

“Lulumela kuli sibaka sesinde kwa baituti kisabutokwa kuli tuto sakata ibe teñi, kamukwaocwalo, tuto kimusumo wabukamuso bwanaha ifi kamba ifi, kacwalo luzwelapili kutusa kuyaha makilasi mwanaha Namibia,” nekubulezi Asazuma. 

Mwamanzwi ane abalilwe ki mubusisi wasikiliti sa Zambezi Dorothy Kabula, likwambuyu walikolo la tuto Dino Ballotti naize tuso kuzwelela naha Japan kisisupo sakuli kuna ni silikani sesi tiile mwahala linaha zepeli. “Halunze lutabela tulo ye kacenu, lutalimele kwapili luna ni sepo ni kutukufalelwa. Kapabalelo sakata, kutwano ni swalisano, makilasi afilwe akabapala kalulotuna kumbweshafaza kuituta ni bukamuso sakata bwa bana baluna ni naha kabupala,” nabulezi. 

KuzwelelasikolosaLiswani IIIhasikwalulwa kasilimo sa 2014, neba itusisa makilasi amubu. Yomuhulu wasikolo Norah Mubila naize hane bañolezi liñolo kwa ofesi ya ndumeleti wanaha Japan mwa Namibia nebasina sepo yakuli baka fumana tuso, “kono kachenu nakona kubulela kuli lwa ikuhumusa.” 

Naekelize kuli nihaike bafumani makilasi amane asitina kuekeza ku amabeli ane ayahilwe kimubuso. 

Baituti basitopa sa busilela ni basitopa sa busupa basa kenela mwa makilasi amubu. Mi maticele nibona habana kilasi moba ina. Nabulezi hape kuli basatokwa ni libuka ni lipula ni matafule. Kanako ya cwale sikolo sina ni baituti babalikana 226.