KATIMA MULILO – Kusupala kwa lipango zetuna ze luilwe kimuuso mwa Katima Mulilo kubilaeza mubusisi mwasikiliti Lawrence Sampofu. Nabulezi zeo kwamukopano ni katengo kandu ya milao kakabona za sifumu ni kamaiso ya sicaba cwalecwale.
Katengongo neka potezi sikiliti kuikopanya ni bazamaisi babalukela kuamana ni lin’olo lene lilumezwi kwa ndu ya milao ki kampani ya Lisho mwasilimo sa 2022, kuli misika ya limunanu mutulo wanaha izusuluswe.
Kanako ya mukopano ni katengo, Sampofu naize mayemo lipango zetuna ili Kopano ni Katima Mulilo abilaeza. Sipango sa Kopano sesifumaneha libima zemashumi amalalu wiko wa Katima sa sebeza, sipango sa Katima Mulilo sishwile mi hasikoni kusebeliswa. “Lu utwa kuli South Africa ibata kutaha kuto tatuba lipango zaluna, kuto talima nama yaluna, moinezi. Libaka zaluna likatazwa kibutuku bwa taku ni mulomo. Haiba inge bafumana kuli lipango zaluna haliyo hande, lukaswana lwa latehelwa kimusika won,” nabulezi.
Mualafi walimunanu wamuuso Beatrice Shikongo nabulezi kanako ya mukopano kuli sipango sa Katima Mulilo sesina ni milaka yesupile famubu walihekele ze 8000, hasisika belekiswa kuzwa silimo sa 2014.” Sipango sisinyizwe mwa lilimo zefelile. Lukwaluzi lipiho zen’ata kwa mapokola,” nekubulezi Shikongo.
Hala sipango sa Kopano sa mubu walihekele ze 13 000 ni milaka ye 12, Shikongo naize ki milaka feela kuzwa kuwapili kuisa kuwabuloban’wi yebeleka. “Kuzwa mulaka wabulishumi kuisa wabu 12, hakuna mezi. Hape kuna ni businyi bobuzwelapili mwa sipango, sihulu mulaka wa 12 oli bukaufi ni museto wanaha Zambia. Fa ni fa lwalukisa lukwakwa kasamulaho aviki, luyo fumana waya ipumilwe hape,” nekuekelize Shikongo.
Naekelize kuli, batu bapumanga waya kuli bayo lema likota. Shikongo naize sikiliti nesi n’ozi piho hala mayemo alipango zetuna za muuso ni kuitambeka kwa liofesi zelukela, kuli mashelen’i hafumaneha lilukiswe. Sipango sa Kopano singiwa kuba sa butokwa, sina hasisebeliswa ki sikiliti kaufela sa Zambezi. Hamocwalo nikalulo ya silalanda sa Mukwe mwasikiliti sa Kavango ya Upa. Unumwaha feela kuzwa Sope kutisa Lungu, likomu ze 690 neli kwalezwi mwasipango sa Kopano ni kubulawa kwa silaha ya Katima Mulil. Kanako ya cwale likomu ze 940 limwa sipango kulibelela kubulawa.