RUNDU – Sipokola sa naha Namibia sisweli kubata lisole kuzwelela mwa sisole sanaha Namibia (NDF), yakulubelwa kuli nabulaile mwana muhabo yena wamusizani kwa munzi wa Mbambi mwa silalanda sa Mukwe, mwa sikiliti sa Kavango ya Upa. Taba ya kubulaya ne kwalulezwi yakulubelwa, ili yabulelwa kuli watakana. Taba yakubulaya ibaleha ni bubangoki bwa mwa mabasi.

Piho ya mapokola ibulela kuli kezo iakalezwa kuli ne ezahezi Labulalu kanako ya 20h00 kwa munzi wa Mbambi. Ku akalezwa hape kuli nyandi, Kapango Mayira walilimo ze 22, nali mwa ndandulumu yahae, asweli kuteleza kwa lipina abeile zakutelelisa mwamazebe yakulubelwa hato kena mwandu. Amunata fapata ni silemano sene sisika lemuhiwa, ni kumuholofaza.

“Nyandi na utwilwe kibabañwi babapila mwandu hahuwa hañwi. Baya kuyo bona zene ezahezi, mi bayo mufumana abuba mali. Yakulubelwa kiha baleha kuzwa fasibaka sa kezahalelo,” nekubulezi yabona zakuongaonga bubangoki mwa Kavango ya Upa Bonifatius Kanyetu. “Sene sitisize kezo yeo hasisika lemuhiwa kale, mi yakulubelwa hasika fumaneha kale,” nabulezi.